మర్డర్

మర్డర్ (కుటుంబ కథా చిత్రమ్) సినిమా క్రైమ్, మిస్టరీ నేపథ్యంలో తెరకెక్కిన చిత్రం ఇందులో కృష్ణస్వామి, సాహితి ప్రధాన పాత్రలలో నటించారు. ఆర్జీవీ సమర్పణలో వస్తున్న ఈ చిత్రానికి నట్టి కరుణ, నట్టి క్రాంతి నిర్మాతలు. ఆనంద్‌ చంద్ర దర్శకత్వం వహించారు. కథ సమాజంలో పేరు, ప్రతిష్టలు, హోదా ఉన్న మాధవరావు, వనజ (శ్రీకాంత్ అయ్యంగార్, గాయత్రీ భార్గవి) ముద్దు బిడ్డ నమ్రత (సాహితి). అతి గారాబంగా సాహితిని పెంచుతారు. తన కూతురు ఏది అడిగినా కాదనకుండా సాహితికి అన్నీ ఇస్తాడు. అలా మాధవరావు తన కూతుర్ని గొప్పగా ఊహించుకొంటున్న సమయంలో సాహితి తన ప్రేమను వ్యక్తం చేస్తుంది. తన ఇష్టానికి వ్యతిరేకంగా ప్రేమ పెళ్లి చేసుకోవడానికి వీల్లేదంటూ సాహితిని కోరికను తిరస్కరిస్తారు. దాంతో ఉన్నట్టుంది తండ్రి, కూతురు మధ్య కోపతాపాలు పెరిగిపోతాయి. ఇంటి నుంచి పారిపోయి తన తాను ప్రేమించిన వ్యక్తిని పెళ్లి చేసుకుంటుంది. ప్రాణం కంటే మిన్నగా ప్రేమించిన కూతురు చేసిన పనికి కుంగిపోయిన తండ్రి మాధవరావు ఎలా రియాక్ట్ అయ్యాడు. తండ్రి మాటను జవదాటిన సాహితి ఎలాంటి నిర్ణయాలు తీసుకొన్నది. సాహితి పెళ్లిని అంగీకరించని మాధవరావు ఏం చేశాడు? ఎలాంటి పరిస్థితుల్లో మాధవరావు తన కూతురు జీవితాన్ని ఛిన్నాభిన్నం చేయాలనుకొన్నాడు? తన కూతురు కోసం ఎలాంటి పరిస్థితుల్లో ప్రాణత్యాగం చేశాడనే ప్రశ్నలకు సమాధానమే మర్డర్ చిత్ర కథ.