Veera Simha Reddy క్రేజీ అప్డేట్.. 'మాస్ మొగుడు' సాంగ్ రిలీజ్, నాన్న గారి జీన్స్ అంటూ!

యూట్యూబ్ లో ట్రెండింగ్..

నందమూరి నటసింహం బాలకృష్ణ, మాస్ డైరెక్టర్ గోపిచంద్ మలినేని క్రేజీ కాంబినేషన్ లో తెరకెక్కిన చిత్రం వీర సింహా రెడ్డి. ఈ సినిమా నుంచి ఇదివరకు విడుదలైన టీజర్, పోస్టర్స్, ట్రైలర్ కు విపరీతమైన రెస్పాన్స్ వచ్చింది. ఇక జై బాలయ్య, సుగుణ సుందరి, మా బావ మనోభావాలు పాటలకు వచ్చిన క్రేజ్ మాములుగా లేదు. మా బావ మనోభావాలు పాటకు అయితే ఇప్పటికే కోటికిపైగా వ్యూస్ రాగా.. 1.6 లక్షల లైక్స్ వచ్చాయి. అంతేకాకుండా యూట్యూబ్ లో మూడవ ట్రెండింగ్ లో కొనసాగుతోంది. ఇప్పుడు తాజాగా మరో మాస్ నెంబర్ మాస్ మొగుడు పాటను విడుదల చేశారు.

నాన్న గారి జీన్సో జీన్స్..

యాంది రెడ్డి యాంది రెడ్డి.. ఎక్కడైనా నీదే జోరు.. అంటూ ఫుల్ మాసీగా సాగింది ఈ పాట. అలాగే పుట్టుకతోటే నాలో ఉన్నాయి నాన్న గారి జీన్సో జీన్స్.. సేమ్ టు సేమ్ ఆ కటౌట్టే మనకు రిఫరెన్స్ అంటూ లిరిక్స్ క్యాచీగా ఉన్నాయి. ప్రముఖ రచయిత రామజోగయ్య శాస్త్రి రచించిన ఈ పాటను సింగర్ మనో, రమ్య బెహర ఆలపించారు. ఇక ఎస్ఎస్ తమన్ మాస్ బీట్ ఉర్రూతలూగించేలా ఉంది. పాట విజువల్స్ పరంగా కూడా చాలా అందంగా ఉంది. శ్రుతి హాసన్ డ్రెస్సింగ్, మేకప్ స్టైల్ ఎంతో బ్యూటిఫుల్ గా ఉన్నాయి. అలాగే ఈ పాటకోసం వేసిన సెట్ కూడా ఆకర్షణీయంగా ఉంది.

ట్రైలర్ కంటే ముందుగా..

అయితే మాస్ మొగుడు అంటూ సాగే ఈ పాటను జనవరి 3నే విడుదల చేద్దామనుకున్నారు. కానీ ముందుగా ప్రీ రిలీజ్ ఈవెంట్ రోజున ట్రైలర్ విడుదల చేశాక ఈ సాంగ్ రిలీజ్ చేసేందుకు ప్లాన్ చేశారు మేకర్స్. అందులో భాగంగానే జనవరి 9 సోమవారం రాత్రి 7:35 నిమిషాలకు సోషల్ మీడియా వేదికగా వదిలారు. మరి ఈ సాంగ్ ఎలాంటి రికార్డ్స్ క్రియేట్ చేస్తుందో చూడాలి. ఇదిలా ఉంటే బాలకృష్ణ ద్విపాత్రాభినయం చేస్తున్న ఈ సినిమాలో కోలీవుడ్ స్టార్ నటి వరలక్ష్మీ శరత్ కుమార్ కీలక పాత్ర పోషించారు. అలాగే కన్నడ హీరో దునియా విజయ్ పవర్ ఫుల్ విలన్ గా సందడి చేయనున్నాడు. సంక్రాంతి కానుకగా జనవరి 13న వరల్డ్ వైడ్ గా విడుదల కానున్న ఈ చిత్రానికి క్లీన్ యూ/ఏ సర్టిఫికేట్ జారీ చేసింది సెన్సార్ బోర్డ్.