Indian Idol 12 winner పవన్ దీప్ రాజన్.. తెలుగు తేజం షణ్ముఖ ప్రియకు ఎన్నో స్థానమంటే!

అర్ధరాత్రి 12 గంటల వరకు

ఆదివారం అర్ధరాత్రి 12 గంటలవరకు సాగిన ఈ సుదీర్ఘ ఫైనల్‌లో కంటెస్టెంట్లు ఒకరికంటే మరొకరు తమ ప్రతిభను చాటుకొనేందుకు ప్రయత్నించారు. అలాగే ఓటర్లను ఆకట్టుకొనేందుకు శాయశక్తులా ప్రయత్నించారు. అయితే చివరకు పవన్ దీప్ రాజన్‌కు ఓటర్లు ఇండియన్ ఐడల్ 12 టైటిల్‌ను పట్టం కట్టారు. దీంతో అభిమానుల్లో ఆనందం వ్యక్తమైంది.

ట్రోఫి, 25 లక్షల చెక్; మారుతి కారుతో

పవన్ దీప్ రాజన్‌కు టైటిల్‌తో భారీ బహుమానం లభించింది. ఈ సీజన్‌లో విజేతకు ప్రకటించిన 25 లక్షల రూపాయల చెక్‌ను సోని లివ్ నిర్వాహకులు చెక్ అందజేశారు. అలాగే మారుతీ కంపెనీ నుంచి పవన్ దీప్‌కు బ్రాండ్ న్యూ స్విఫ్ట్ కారును బహుకరించారు. అభిమానుల జేజేల మధ్య పవన్ దీప్ టైటిల్ ట్రోఫిని, చెక్‌ను, మారుతి కారు తాళాలను అందుకొన్నారు. పవన్ దీప్ విజేతగా భావోద్వేగానికి గురయ్యారు.

రెండో స్థానంలో అరుణిత కంజిలాల్

ఇక ఇండియన్ ఐడల్ 12 షోలో రెండో స్థానంలో అరుణిత కంజిలాల్, సయాలీ కాంబ్లే మూడోస్థానంలో నిలిచారు. నాలుగో స్థానంలో మహ్మద్ డానిష్, నిహాల్ టారో ఐదోస్థానంలో నిలువగా, షణ్ముఖప్రియ ఆరోస్థానంలో నిలిచారు. అరుణిత కంజిలాల్, పవన్ దీప్ రాజన్ ఇద్దరు ఈ షో కొనసాగుతుండగానే ప్రేమలో పడ్డారు. వారి జంట ప్రస్తుతం మ్యూజిక్ ప్రపంచంలో క్రేజీగా మారింది. అభిమానులు ఆశించినట్టుగానే వారిద్దరూ టాప్ స్థానాల్లో ఉండటం విశేషంగా మారింది. అరుణిత, సయాలీ కాంబ్లీకి చెరో 5 లక్షల రూపాయల పారితోషికం లభించింది. ఇక నాలుగు, ఐదు స్థానాల్లో నిలిచిన డానిష్; నిహాల్ టారోకు చెరో మూడు లక్షల రూపాయల పారితోషికం లభించింది.

విజయ్ దేవరకొండ స్పెషల్ ఎంట్రీ

ఇండియన్ ఐడల్ 12 ఫినాలేలో ఆరుగురు కంటెస్టెంట్లతోపాటు ఉదిత్ నారాయణ్, అల్కా యాగ్నిక్, సుఖ్విందర్ సింగ్, కుమార్ సాను తదితరులు వేదికపై పాటలు పాడి ఉర్పూతలూగించారు. విజయ్ దేవరకొండ ఫినాలే జరుగుతుండగా షణ్ముఖప్రియకు విషెస్ తెలియజేయడమే కాకుండా తన సినిమాలో పాటను పాడే అవకాశం కూడా ఇవ్వడం విశేషంగా మారింది. విజయ్ దేవరకొండ వీడియో కాన్ఫరెన్స్ ద్వారా కనిపించడంతో ప్రేక్షకుల్లో పెద్ద ఎత్తున స్పందన కనిపించింది.

Recommended Video

Greatest Indian Classics - Episode 1 | Sagara Sangamam, కమల్ నట విశ్వరూపం || Filmibeat Telugu

షణ్ముఖప్రియకు ఆరోస్థానంతో

అయితే కనీసం రెండో, మూడో స్థానంలోనైనా షణ్ముఖప్రియ నిలుస్తారని ఆశించిన అభిమానులకు నిరాశే మిగిలింది. షణ్ముఖప్రియకు ఆరో స్థానం లభించగానే ఆమె తల్లిదండ్రులు నిరాశకు గురైనట్టు కనిపించారు. దక్షిణాదిలో ప్రేక్షకులు, సంగీత అభిమానులు అసంతృప్తిని వ్యక్తం చేస్తున్నారు. షణ్ముఖప్రియకు అన్యాయం జరిగిందనే మాట అభిమానుల్లో వినిపిస్తున్నది.