Don't Miss!
- Technology గూగుల్ మ్యాప్స్ కొత్త ఫీచర్ గురించి తెలుసా.. రోడ్ ట్రిప్ సహా ప్రయాణాల్లో ఆందోళన ఉండదిక...!
- Sports చెన్నై సూపర్ కింగ్స్లో భారీ మార్పులు..!!
- News పవన్ కల్యాణ్ దూకుడు - తాజా నిర్ణయంతో..!!
- Finance IT News: బెంగళూరులో టెక్కీలు సంచలన నిర్ణయం.. అయోమయంలో హౌస్ ఓనర్స్..
- Automobiles కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- Lifestyle గుడ్నైట్ సందేశాలను ఇలా సరదాగా పంపుకోండి..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
బాలయ్య 100వ సినిమా కోసం హిస్టారికల్ స్టోరీ!
హైదరాబాద్: బాలయ్య నటించిన 99వ చిత్రం ‘డిక్టేటర్' ఇటీవల విడుదలై బాక్సాఫీసు వద్ద సూపర్ హిట్ టాక్ తెచ్చుకుంది. ఇక అందరూ బాలయ్య త్వరలో చేయబోయే 100వ సినిమా గురించి మాట్లాడుకుంటున్నారు. బాలయ్య ఈ సినిమా ఎవరితో చేస్తారు? ఎలాంటి కథతో చేస్తారు అనేది హాట్ టాపిక్ అయింది. 100వ సినిమా ఎవరితో చేయాలనే విషయమై ఇంకా నిర్ణయించుకోలేదని బాలయ్య వెల్లడించిన సంగతి తెలిసిందే. అయితే ఈ సినిమాకు దర్శకత్వం వహించే అవకాశాలు ఎక్కువగా బోయపాటి శ్రీనుకే ఉన్నాయని అంటున్నారు.
అయితే బాలయ్య 100వ సినిమా చేసే అవకాశం కోసం మరికొందరు కూడా తమ తమ ప్రయత్నాలు చేస్తున్నారు. ఇందులో భాగంగా రైటర్ పరుచూరి వెంకటేశ్వరరావు తనయుడు పరుచూరి రవీంద్ర ఓ హిస్టారికల్ స్ర్కిఫ్ట్ బాలయ్య కోసం సిద్ధం చేసారు. ఈ కథకు బాలయ్య మాత్రమే న్యాయం చేయగలడని భావించిన రవీంద్ర ఇటీల బాలయ్యను కలిసి స్ర్కిఫ్ట్ వినిపించాడట. స్క్రిప్టు విన్న బాలయ్య బావుందని చెప్పాడట. అయితే త్వరలో నా నిర్ణయం వెల్లడిస్తానని అన్నాడట. రవీంద్ర తయారు చేసిన స్క్రిప్టుకు భారీ బడ్జెట్ అవుతుందని, విజువల్ ఎపెక్ట్స్ ప్రాధాన్యం సినిమాలో ఎక్కువగా ఉంటుందిన అంటున్నారు. బాలయ్య ఓకే చెబితే బాహుబలి సినిమాకు పని చేసిన విఎఫ్ఎక్స్ టీంను రంగంలోకి దించాలనుకుంటున్నారట.
ఇటీవల ఇంటర్వ్యూలో బాలయ్య మాట్లాడుతూ....100వ సినిమా బోయపాటి దర్శకత్వంలోనే ఉంటుందా? అనే ప్రశ్నకు బాలయ్య స్పందిస్తూ...ప్రస్తుతం ఆ విషయమై చర్చలు జరుగుతున్నాయి. మార్చికల్లా 100వ సినిమాను మొదలు పెట్టాలని అనుకుంటున్నాను. అప్పటికి బోయపాటి సిద్ధంగా ఉంటే సరే. లేదు నాలుగైదు నెలలు టైం పడుతుంది అంటే అంతకాలం నేను ఆగలేను. వెంటనే వేరొకరితో, ఇంకో సినిమా, పాత్ర చేయాల్సిందే అని బాలయ్య అన్నారు.
సింగితం శ్రీనివాస్ గారు ‘ఆదిత్య 369' సీక్వెల్ కథతో సహా సిద్ధంగా ఉన్న మాట నిజమే. అయితే ఈ సినిమా విషయంలో నేను ఇంకా ఎలాంటి నిర్ణయం తీసుకోలేదు. చేయాలా? వద్దా? అనేది సంక్రాంతి పండగ తర్వాత నిర్ణయం తీసుకుంటాను అన్నారు బాలయ్య.
100 సినిమా తర్వాత సినిమాలకు దూరం అవుతా, కేవలం రాజకీయాల్లోనే ఉంటాననే ప్రచారంలో నిజం లేదు. లక్షలాది ప్రజలను తృప్తి పరిచే నటనను వదిలి పెట్టాను. ఇంకా చాలా పాత్రలు చేయాలని అభిమానులు కోరుతున్నారు. సినిమాలు చేస్తూనే ప్రజాసేవ కొనసాగిస్తాను అన్నారు బాలయ్య. 100వ సినిమాలో మోక్షజ్ఞను తీసుకోవాలనే ఆలోచన అయితే ఉంది కానీ అప్పటికీ ఎలా ఉంటుందో ఇప్పుడే చెప్పలేను అన్నారు బాలయ్య.