సూపర్ స్టార్ అభిమాని ఉన్మాదం: హీరోయిన్‌కు రేప్, యాసిడ్ ఎటాక్ బెదిరింపు... అరెస్ట్!

హీరోయిన్‌ను టార్గెట్ చేసిన మమ్ముట్టి ఫ్యాన్స్

మమ్ముట్టి నటించిన ‘కసాబా' చిత్రంలో మహిళలను కించ పరిచే డైలాగులు ఉండటంతో... ఒక సూపర్ స్టార్ నోట ఇలాంటి డైలాగులు ఉండటం ఏమిటీ అంటూ కేరళ హీరోయిన్ పార్వతి విమర్శించింది. దీంతో కొందరు మమ్ముట్టి అభిమానులు ఆమెను సోషల్ మీడియాలో టార్గెట్ చేశారు.

రేప్, యాసిడ్ ఎటాక్ చేస్తామంటూ బెదిరింపు

కొందరు అభిమానులు పార్వతి పట్ల ఉన్మాదంగా ప్రవర్తించారు. రేప్ చేస్తామని, యాసిడ్ ఎటాక్ చేస్తామని బెదిరించారు. దీనిపై ఆమె పోలీసులకు ఫిర్యాదు చేయడంతో సిఎస్ ప్రింటో అనే వ్యక్తిని అరెస్టు చేశారు. ఐటి యాక్ట్ కింద ఇంటిమిడేషన్, సెక్సువల్ అబ్యూస్ కేసులు పెట్టారు.

మరికొందరి కోసం గాలింపు

పార్వతి మీనన్‌ కేసు విషయంలో వేధింపులకు పాల్పడిన, చంపుతామని బెదిరించిన మరికొందరిని కూడా అరెస్ట్ చేసేందుకు పోలీసులు గాలిస్తున్నారు. మలయాళం సూపర్ స్టార్ అభిమానులు కావడంతో కేరళలో ఈ అరెస్టులు హాట్ టాపిక్ అవుతున్నాయి.

స్పందించని ఇతర స్టార్స్

పార్వతి ఇష్యూలో మలయాళం ఇండస్ట్రీలో ఇతర స్టార్లు ఎవరూ స్పందించడం లేదు. సూపర్ స్టార్ మమ్ముట్టి సినిమాకు లింకు ఉన్న వ్యవహారం కావడంతో ఈ ఇష్యూపై మాట్లాడటానికి ఎవరూ ఇష్టపడటం లేదు.