ఇప్పుడున్న పరిస్థితుల్లో చాలా నిజాలు చెప్పాల్సిన అవసరం ఉంది: త్రివిక్రమ్

మంచి తనం ముసుగువెనక ఉన్న..

అబ్బూరి రవిని విలన్‌గా పరిచయం చేయడం చాలా సంతోషంగా ఉంది. అతడిలో ఉన్న రియల్ లైఫ్ విలన్ క్యారెక్టర్ సాయి కిరణ్ పట్టుకుని దాన్ని ఎలా తెరకెక్కించారో చూడాలి. మంచి తనం ముసుగు వెనక ఉన్న ఒక తీవ్రవాదిని జనం మధ్యలోకి తీసుకొచ్చారు అంటూ త్రివిక్రమ్ తన స్నేహితుడి గురించి జోక్ చేశారు. అబ్బూరి రవి.. నేను కలిసి చదువుకున్నాం. నాకు ఇష్టమైన స్నేహితుడని తెలిపారు.

వారి నిజమైన కథ చెప్పడం అభినందనీయం

సాయి కిరణ్ కాశ్మీరీ పండిత్ కథ రాస్తున్నట్లు ఐదారు నెలల క్రితం అబ్బూ నాతో చెప్పారు. నిజమైన పండిత్ కుటుంబాల దగ్గరకు వెళ్లి వారితో ఇంటర్వ్యూలు చేసి, వారి తాలూకు నిజమైన బాధలను, కష్టాలను తెరకెక్కించే ప్రయత్నం చేయడం అభినందనీయమని త్రివిక్రమ్ చెప్పుకొచ్చారు.

ఇప్పుడున్న పరిస్థితుల్లో చాలా నిజాలు చెప్పాల్సిన అవసరం ఉంది

ఇప్పుడున్న పరిస్థితుల్లో చాలా నిజాలు మనం జనాలకు చెప్పాల్సిన అవసరం ఉంది. సినిమా కేవలం ఎంటర్టెన్మెంట్ కోసం కాకుండా ఏదైనా బలమైన భావాన్ని జనాల్లోకి తీసుకెళ్లాలనే ప్రతి ప్రయత్నం సక్సెస్ అయి తీరాలి. ఈ సినిమా మంచి విజయం సాధించాల్సిన అవసరం ఉంది అన్నారు.

త్రివిక్రమ్ లేకుండా నా కెరీర్ లేదు

అబ్బూరి రవి మాట్లాడుతూ.. ‘ఆపరేషన్ గోల్డ్ ఫిష్' మూవీలో నా లుక్ త్రివిక్రమ్ లాంచ్ చేయడం హ్యాపీగా ఉంది. నన్ను రైటర్‌గా లాంచ్ చేసింది, సినిమాకు పరిచయం చేసింది, ఇపుడు ఆర్టిస్టుగా పరిచయం చేస్తుంది తనే. త్రివిక్రమ్ లేకుండా నా కెరీర్ గురించి మాట్లాడటం జరిగేపని కాదు. నా ప్రతి నిర్ణయంలోనూ నా స్నేహితుడు సలహా ఉంటుంది.' అన్నారు.

ఆపరేషన్ గోల్డ్ ఫిష్

ఆది సాయికుమార్‌, శ‌షా చెత్రి, కార్తీక్ రాజు, పార్వ‌తీశం, నిత్యా న‌రేశ్, మ‌నోజ్ నందం, కృష్ణుడు, అబ్బూరి ర‌వి, అనీశ్ కురువిల్లా, రామ‌జోగ‌య్య‌శాస్త్రి , రావు ర‌మేశ్‌ కీల‌క పాత్ర‌ధారులు పోషిస్తున్నారు.