Click it and Unblock the Notifications
ప్రొడ్యూసర్ గానూ సూపర్ సక్సెస్ అందుకున్న అభినవ్ సర్దార్
రామ్ అసుర్ సినిమాతో హీరోగానూ, ప్రొడ్యూసర్ గానూ సూపర్ సక్సెస్ అందుకున్న అభినవ్ సర్దార్ బ్యాక్ టు బ్యాక్ బాక్సాఫీస్ పై దండయాత్ర చేసేందుకు సిద్ధమయ్యారు. తన స్వీయ నిర్మాణంలోనే తెరకెక్కించిన మిస్టేక్ తో ప్రేక్షకుల ముందుకు రాబోతున్నారు. ఇప్పటికే ఈ సినిమాలోని మొదటి పాట విడుదలై యూట్యూబ్ ను షేక్ చేసేస్తోంది. మంగ్లీ, రోల్ రైడా ఆలపించిన పాట మిలియన్ వ్యూస్ తో శ్రోతలను ఆకట్టుకుంటోంది.
ఇప్పుడు ఇదే సినిమాలో రెండవ పాట విడుదలకు సిద్ధమవుతోంది. బుధవారం గుంటూరులోని VVIT కళాశాలలో సుమారు 4వేల మంది విద్యార్ధుల చేత ఈ పాటను విడుదల చేయనున్నారు. ఈ క్రమంలోనే టకీర మోచో సాంగ్ ప్రోమో విడుదలవ్వగా... ఆబాలగోపాలాన్నీ ఉర్రూతలూగిస్తోందనే చెప్పాలి.ఈ పాట కోసం సుమారు 40మంది లిల్లీపుట్స్ ను సేకరించినట్లు తెలుస్తోంది. జంగిల్ థీమ్ తో ఆకట్టుకుంటోన్న ఈ పాట, ప్రోమోనే ఈ రేంజ్ లో ఉంటే... ఇక ఫుల్ సాంగ్ ఏ రేంజ్ లో ఉండబోతుందో అర్ధం చేసుకోవచ్చు. అభినవ్ సర్దార్ కీలక పాత్రలో కనిపించబోతున్న ఈ చిత్రానికి సన్నీ కోమలపాటి దర్శకత్వం వహించారు. త్వరలోనే సినిమా విడుదల తేదీని అనౌన్స్ చేయనున్నారు.
Continue with Google