Don't Miss!
- News ఐటీ హబ్ లో హైఅలర్ట్, దెబ్బకు అన్ని కంపెనీలకు సెలవు, ఓటు సరే పెళ్లామ్ తో జంప్!
- Sports మా పక్కింటి ఆంటీ గొడవ వల్ల క్రికెటర్ను అయ్యాను: నితీశ్ కుమార్ రెడ్డి వీడియో
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కారు పల్టీలు కొట్టినా బ్రతికాను: మంచు మనోజ్
హైదరాబాద్ : "మీ (ఫ్యాన్స్ ) ప్రేమాభిమానాలే నన్నూ, నా మనుషులనీ కాపాడాయి. మీ ప్రేమని పొందడాన్ని దీవెనలుగా భావిస్తున్నా. చనిపోయేదాకా మీ అందర్నీ ప్రేమిస్తాను'' అన్నారు హీరో మంచు మనోజ్. ఆదివారం రాత్రి ఔటర్ రింగ్రోడ్పై అప్పా జంక్షన్ వద్ద జరిగిన రోడ్డు ప్రమాదం నుంచి స్వల్ప గాయాలతో బయటపడిన ఆయన ఆ సంఘటన జరిగిన తీరును సోషల్ నెట్వర్కింగ్ సైట్ ట్విట్టర్ ద్వారా తెలిపారు.
మనోజ్ కంటిన్యూ చేస్తూ... ఒక సన్నిహిత మిత్రుని పెళ్లికి హాజరవడం కోసం ఔటర్ రింగ్రోడ్ మీదుగా వెళ్తున్నాను. నా ముందు వెళ్తున్న బస్సు ఉన్నట్టుండి ఎడమవేపుకు జరిగింది. బస్సును ఢీకొట్టకుండా ఉండేందుకు నా 'సువ్' (స్పోర్ట్ యుటిలిటీ వెహికిల్) వాహనాన్ని కుడి వేపుకు జరిపాను. మరుక్షణంలోనే రోడ్డు మీద చనిపోయివున్న గేదెను నా వాహనం ఢీకొట్టి, గాల్లోకి ఎగిరింది. స్ట్రీట్లైట్లు లేకపోవడం వల్ల గేదె కనిపించలేదు. కారు పలుమార్లు పల్టీలు కొట్టింది. థాంక్ గాడ్. ఎవరికీ దెబ్బలు తగల్లేదు అన్నారు.
అలాగే.. ఆ సంఘటన జరగడానికి 20 నిమిషాల ముందు అమ్మ నా కారులోనే ఉంది. స్టంట్స్ నేర్చుకుని ఉండటం వల్ల సమయానికి అలెర్టయ్యాను. దేవుని దయ, మీ అందరి ప్రేమ నన్ను కాపాడాయి. అక్కడ సాయంత్రం ఆరు గంటల నుంచే గేదె కళేబరం ఉంది. దాని వల్ల నాకంటే ముందు అక్కడ రెండు యాక్సిడెంట్లు జరిగాయి. అయినా కూడా ఈ రోజు ఉదయం దాకా దాన్ని అక్కణ్ణించి తొలగించలేదు అని వివరించారు మనోజ్.
ఇక మంచు మనోజ్ ...తన ఫ్యామిలీ మల్టీ స్టారర్ మూవీ 'పాండవులు పాండవలు తుమ్మెద' చిత్రంలో చేస్తున్నారు. ఈ చిత్రానికి సంబంధించిన మొహన్ బాబు ఫస్ట్ లుక్ ఇటీవల విడుదలయిన సంగతి తెలిసిందే. తాజాగా మంచు మనోజ్ ఈచిత్రంలోని తన ఫస్ట్ లుక్ ఫోటోను ట్విట్టర్ ద్వారా విడుదల చేసారు. మనోజ్ గెటప్ను బట్టి ఇందులో పోలీస్ ఆఫీసర్ పాత్ర చేయనున్నట్లు తెలుస్తోంది. ఇందులో మనోజ్ మీసాలు లేకుండా కనిపిస్తున్నాడు. తన ఈ లుక్లో మీసం లేదని, ఇతర సన్నివేశాల్లో మీసం ఉంటుందని మనోజ్ తన ట్విట్టర్లో పేర్కొన్నారు. తన లుక్ చూసి సీరియస్ రోల్ అనుకోవద్దని, ఫుల్ టైం కామెడీ రోల్ చేస్తున్నట్లు మనోజ్ తన పాత్ర గురించి చెప్పుకొచ్చారు.