అచ్చం మహేశ్‌బాబులానే.. అదరగొట్టిన మేనల్లుడు!

మేనమామ మాదిరిగానే చరిత్

విన్నర్ చిత్రంలో చిన్నప్పటి సాయి ధరమ్ తేజ్‌గా చరిత్ నటించాడు. సినిమాకు పూర్తిస్థాయిలో దోహదపడే కీలక సన్నివేశాల్లో నటించాడు. తండ్రిపై ద్వేషంతో ఇంటిని నుంచి పారిపోయే సన్నివేశం దర్శకుడు గోపిచంద్ చక్కగా చిత్రీకరించాడు. ఈ సన్నివేశంలో చరిత్ పరుగెడుతుండగా వెనుక గుర్రాలు అతడిని వెంటాడినట్టుగా ఉంటుంది.

అచ్చు మేనమామ మహేశ్‌బాబు

‘ఈ సన్నివేశంలో చరిత్ పరుగు అచ్చు అతడి మామ మహేశ్‌బాబులా ఉంది' అని హీరో సుధీర్ బాబు ట్వీట్ చేశాడు. చరిత్ నటనను తండ్రి సుధీర్ బాబు చూసి పొంగిపోయాడు.

తనయుడికి సుధీర్‌బాబు ప్రశంస

చరిత్ చాలా రిస్కీ సన్నివేశాల్లో నటించాడు. గుర్రాల ముందు పరుగెత్తడం అంటే సామాన్యమైన విషయం కాదు. ఆ సన్నివేశంలో నటించేటప్పుడు చరిత్ భయపడ్డాడు. కానీ చాలా చక్కగా సీన్ పూర్తి చేశాడు అని ట్వీట్టర్‌లో పేర్కొన్నాడు.

చరిత్ తొలిసారి భలే భలే..

చరిత్ సినీ రంగ ప్రవేశం నానీ నటించిన భలే భలే మొగాడివోయ్‌లో జరిగింది. ఆ చిత్రంలో చిన్నప్పటి నానీగా కనిపించాడు. ఆ చిత్రంలోనూ చరిత్ తన నటనతో ఆకట్టుకొన్నాడు. సాయి ధరమ్ తేజ్, రకుల్ ప్రీత్ సింగ్ నటించిన విన్నర్ చిత్రం ఫిబ్రవరి 24న తేదీన ప్రేక్షకుల ముందుకు వచ్చింది. ఈ చిత్రం తొలివారంలో మంచి ఓపెనింగ్స్‌ను సాధించింది.