శ్రీరెడ్డి మీద విశాల్ ఊహించని కామెంట్స్.... కెమెరాలు ఎందుకో అంటూ శ్రీరెడ్డి రిప్లై!

శ్రీరెడ్డి గురించి విశాల్ లేటెస్ట్ కామెంట్స్

ప్రస్తుతం తమిళంలో సినిమా అవకాశాలు వస్తుండటంతో వివాదాలకు దూరంగా ఉంటూ బుద్దిగా పని చేసుకున్న శ్రీరెడ్డిపై విశాల్ పాజిటివ్ కామెంట్స్ చేయడం చర్చనీయాంశం అయింది. విశాల్ నటిస్తున్న తాజా చిత్రం ‘సందెకోళి-2' ఆడియో వేడుకలో విశాల్ మాట్లాడుతూ... శ్రీరెడ్డి మంచి అవకాశాలు దక్కించుకుంటూ వివాదాలకు దూరంగా ఉండటం మంచి పరిణామం అని వ్యాఖ్యానించారు.

ఆమెతో పని చేసే వారు కాస్త జాగ్రత్త

‘శ్రీరెడ్డి సినిమా అవకాశాలు దక్కించుకుంటూ దూసుకెళ్లడం మంచి పరిణామం అంటూనే.... అయితే ఆమెతో పని చేసే వారు కాస్త జాగ్రత్తగా ఉంటే మంచిది' అని విశాల్ సూచించడం గమనార్హం. శ్రీరెడ్డి చుట్టూ ఉండే వారు వారి సేఫ్టీ కోసం కెమెరాలతో ఉండాలి. దీని వల్ల ఆమెకు ఆటోమెటిక్‌గా రక్షణ లభించినట్లే అన్నారు.

శ్రీరెడ్డి రియాక్షన్, కెమెరాలు ఎందుకో?

విశాల్ కామెంట్లపై శ్రీరెడ్డి తన ఫేస్ బుక్ పేజీ ద్వారా స్పందించారు. తన గురించి పాజిటివ్‌గా స్పందించినందుకు థాంక్స్ చెప్పారు. మీ మనసు చాలా మంచిది.... కానీ నా చుట్టూ ఉన్నవారు కెమెరాలు కలిగి ఉండాలని ఎందుకు అన్నారో అర్థం కాలేదు... అని శ్రీరెడ్డి సందేహం వ్యక్తం చేశారు.

శ్రీరెడ్డి పూర్తిగా మారిపోయిందా?

తమిళ సినీ పరిశ్రమలో వరుస మీడియా ఇంటర్వ్యూలు ఇస్తూ ఏఆర్ మురుగదాస్, రాఘవ లారెన్స్, సుందర్ సి, మరికొందరు సినీ సెలబ్రిటీలపై కాస్టింగ్ కౌచ్ ఆరోపణలు చేసిన శ్రీరెడ్డి... ప్రస్తుతం వివాదాలకు దూరంగా ఉంటూ తమిళంలో సినిమాలు చేసుకుంటూ బిజీగా గడుపుతున్నారు.