HIT 2 పోస్టర్‌పై జనసేన పార్టీ సింబల్.. పవన్, అకీరాపై అడివి శేష్ ఊహించని కామెంట్స్

సెకెండ్ కేస్ టేకప్ చేసిన హీరో

ఇన్వెస్టిగేటివ్ థ్రిల్లర్‌గా వచ్చిన 'హిట్' మూవీ సూపర్ డూపర్ హిట్ అవడంతో ఇప్పుడు దానికి సీక్వెల్‌గా వస్తున్న చిత్రమే 'హిట్: ది సెకెండ్ కేస్'. అడివి శేష్ హీరోగా నటిస్తోన్న ఈ మూవీని శైలేష్ కొలను తెరకెక్కిస్తున్నాడు. నేచురల్ నాని సమర్పణలో వాల్ పోస్టర్ బ్యానర్‌పై ప్రశాంతి తిపిర్నేని ఈ సినిమాను నిర్మిస్తున్నారు. ఈ చిత్రంలో మీనాక్షి చౌదరి కథానాయికగా నటిస్తుంది.

షూటింగ్ పూర్తి.. ప్రమోషన్స్‌తో

అడివి శేష్ హీరోగా రూపొందుతోన్న 'హిట్: ది సెకెండ్ కేస్' మూవీకి సంబంధించిన షూటింగ్ కొద్ది రోజుల క్రితమే పూర్తైంది. ఆ వెంటనే ఈ సినిమా పోస్ట్ ప్రొడక్షన్ పనులను ప్రారంభించి.. వాటిని కూడా ఇటీవలే కంప్లీట్ చేసుకున్నారు. అప్పటి నుంచి ఈ సినిమా ప్రమోషన్ కార్యక్రమాలపై ఫోకస్ చేశారు. ఇందులో భాగంగానే ఇప్పటికే కొన్ని అప్‌డేట్లను కూడా వదిలిపెట్టారు.

ట్రైలర్ రిలీజ్.. భారీ రెస్పాన్స్

క్రైమ్ థ్రిల్లర్ జోనర్‌లో రాబోతున్న 'హిట్: ది సెకెండ్ కేస్' మూవీ డిసెంబర్ 2వ తేదీన ప్రపంచ వ్యాప్తంగా ఎంతో గ్రాండ్‌గా విడుదల కాబోతుంది. ఈ నేపథ్యంలో చిత్ర యూనిట్ తాజాగా ట్రైలర్‌ను విడుదల చేసింది. ఎంతో ఆసక్తికరంగా సాగిన ఈ వీడియో ప్రేక్షకులకు విశేషంగా ఆకట్టుకుంటోంది. ఫలితంగా దీనికి తక్కువ సమయంలోనే భారీ స్థాయిలో రెస్పాన్స్ దక్కుతోంది.

స్పెషల్ ఈవెంట్.. ఆసక్తికరంగా

క్రేజీ కాంబినేషన్‌లో ఎంతో ప్రతిష్టాత్మకంగా రాబోతున్న 'హిట్: ది సెకెండ్ కేస్' ట్రైలర్‌ను విడుదల చేయడానికి చిత్ర యూనిట్ ప్రత్యేకంగా ఓ ఈవెంట్‌ను నిర్వహించింది. ఈ కార్యక్రమం జరిగిన తర్వాత యూనిట్ సభ్యులు మీడియా ప్రతినిధులతో చిట్ చాట్ నిర్వహించారు. ఇందులో వాళ్లు అడిగిన ఎన్నో ఆసక్తికరమైన ప్రశ్నలకు హీరో, డైరెక్టర్ సమాధానాలు ఇచ్చారు.

పోస్టర్‌పై జనసేన పార్టీ సింబల్

'హిట్: ది సెకెండ్ కేస్' ట్రైలర్ లాంచ్ ఈవెంట్‌లో భాగంగా ఫిల్మీబీట్ ప్రతినిధి రాజాబాబు.. అడివి శేష్‌ను 'మీ సినిమా పోస్టర్ మీద జనసేన పార్టీకి చెందిన సింబల్ గాజు గ్లాసును పెట్టడం వెనుక ఏదైనా కారణం ఉందా' అని ప్రశ్నించారు. దీంతో అక్కడ నవ్వులు వెల్లివిరిశాయి. ఆ తర్వాత శేష్ 'ఆ ఉద్దేశంతో పెట్టలేదు.. అది జనసేన సింబల్ కాదు' అని క్లారిటీ ఇచ్చాడు.

పవన్, అకీరాపై శేష్ కామెంట్స్

అనంతరం పవన్ కల్యాణ్, అకీరా నందన్ పేర్లను ప్రస్తావిస్తూ కొందరు కేకలు వేశారు. దీంతో అడివి శేష్ 'పవన్ కల్యాణ్ గారు కానీ, అకీరా కానీ నా హార్ట్స్. అయితే, ఆ పోస్టర్‌పై కావాలని మాత్రం ఆ సింబల్ పెట్టలేదు' అని చెప్పొకొచ్చాడు. దీంతో మరోసారి పవర్ స్టార్ ఫ్యామిలీతో తనకున్న అనుబంధాన్ని అడివి శేష్ ఇలా గుర్తు చేసుకున్నాడు. ఇప్పుడీ వీడియో తెగ వైరల్ అవుతోంది.

అకీరా ఫేవరెట్ హీరో అతడే

ఇదిలా ఉండగా.. పవర్ స్టార్ పవన్ కల్యాణ్ కుమారుడు అకీరా నందన్‌కు టాలీవుడ్‌లో అడివి శేష్ అంటేనే ఇష్టం అంటూ గతంలో చెప్పాడు. ఆ తర్వాత 'మేజర్' సినిమాను సైతం ఈ జూనియర్ పవర్ స్టార్ అతడితో కలిసే చూశాడు. అంతేకాదు, ఓ సందర్భంలో రేణూ దేశాయ్, ఆద్య, అకీరాలను కూడా అడివి శేష్ కలిశాడు. అలా వాళ్ల మధ్య మంచి బంధం ఏర్పడింది.