ప్రముఖ దర్శక, నిర్మాత ఆదుర్తి సుబ్బారావు పుస్తకావిష్కరణోత్సవం

ఆదుర్తి సుబ్బారావు పుస్తకావిష్కరణ-1

ఆదుర్తి సుబ్బారావు 1912 సంవత్సరం డిసెంబరు 16 న రాజమండ్రి‌లో తాసీల్దారు సత్తెన్న ఇంట జన్మించారు. ముంబాయి‌లోని సెయింట్ జూనియర్ కాలేజ్ ఆఫ్ ఫొటోగ్రఫీలో చేరి ఫిల్మ్ లాబ్, ప్రోసెసింగ్, ప్రింటింగ్, ఎడిటింగ్ మొదలైన విభాగాలలో అనుభవం సంపాదించారు. ఆనాడు సంచలనం రేపిన ఉదయ శంకర్ 'కల్పన' చిత్రానికి అసోసియేట్ ఎడిటరుగా నియమితుడయ్యారు. అతని సోదరుడు ఆదుర్తి నరసింహమూర్తి ప్రచురించిన 'హారతి' పత్రికకు సంపాదకత్వం వహించారు.

ఆదుర్తి సుబ్బారావు పుస్తకావిష్కరణ-2

అనంతరం సినిమా రంగంలో ప్రవేశించిన ఆయన పూలరంగడు, గాజుల కిష్టయ్య మొదలైన 26 చిత్రాలు, 9 తమిళ చిత్రాలకు దర్శకత్వం వహించాడు. ఆదుర్తి చిత్రాలు నిర్మాతలకు విశేష లాభాలు ఆర్జించి పెట్టినాయి. చలనచిత్ర రంగంలో తనకంటూ ఒక ప్రత్యేక గుర్తింపు సంపాదించుకున్న ఆదుర్తి సుబ్బారావు 1975 సంవత్సరంలో అక్టోబరు 29 న పరమపదించారు.

ఆదుర్తి సుబ్బారావు పుస్తకావిష్కరణ-3

ఆదుర్తి సుబ్బరావు దర్శకత్వంలో మహాకవి క్షేత్రయ్య, గాజుల కిష్టయ్య, గుణవంతుడు, సునెహరా సంసార్, బంగారు కలలు, జ్వర్ భట, ఇన్సాఫ్, మాయదారి మల్లిగాడు, జీత్, విచిత్రబంధం, రఖ్ వాలా, మస్తానా, దర్పన్, మరో ప్రపంచం, పూల రంగడు, డోలి, మన్ కా మీత్, మిలన్, సుడిగుండాలు, కన్నెమనసులు, సుమంగళి, తేనె మనసులు, తోడు నీడ, దాగుడు మూతలు, డాక్టర్ చక్రవర్తి, వెలుగు నీడలు, చదువుకున్న అమ్మాయిలు, మూగ మనసులు, మంచి మనసులు, ఇద్దరు మిత్రులు, ఎంగళ్ కుల దైవి, నమ్మిన బంటు,ఆడపెత్తనం, మాంగళ్యబలం, తోడికోడళ్ళు, అమరసందేశం చిత్రాలు తెరకెక్కాయి.

ఆదుర్తి సుబ్బారావు పుస్తకావిష్కరణ-4

గాజుల కిష్టయ్య, మాయదారి మల్లిగాడు, జీత్(హిందీ), దర్పన్(హిందీ) చిత్రాలకు నిర్మాతగా వ్యవహరించారు. అంతే కాకుండా డోలి, మిలన్, సుడిగుండాలు, తేనె మనసులు, చదువుకున్న అమ్మాయిలు, మాంగల్యబలం, తోడికోడళ్ళు తదితర చిత్రాలకు రచయితగా తన ప్రత్యేకతను చాటుకున్నారు.