ఆ నటి మానసిక స్థితి దారుణం. అయినా షూటింగ్‌కు.. కాబోయే భర్త..

కౌన్సిలింగ్‌లో మలయాళ నటి

‘కారులో లైంగిక వేధింపులకు గురైనప్పటి నుంచి ఆమె కౌన్సెలింగ్‌ తీసుకొంటున్నది. షూటింగ్‌లకు కూడా హాజరవుతున్నది. ఆ ఘటన జరిగినప్పటి నుంచి ఆమెకు సరిగా నిద్ర పట్టడం లేదు. ఒకరకమైన భయాందోళనకు లోనైంది' అని మలయాళ నటి స్నేహితురాలు మీడియాకు వెల్లడించింది.

త్వరలోనే పీడకల నుంచి నార్మల్ లైఫ్‌లోకి

తనపై లైంగిక వేధింపులకు పాల్పడిన వారి అరెస్ట్ జరుగడంతో మలయాళ నటికి కొంత ఊరట కలిగింది. త్వరలోనే ఆమె సాధారణ జీవితంలో ప్రవేశిస్తుంది' అనే ఆశాభావాన్ని ఆమె స్నేహితురాలు వ్యక్తం చేసింది.

మలయాళ నటికి కాబోయే భర్త బాసట.

జీవితంలో దారుణమైన పరిస్థితిని ఎదుర్కొంటున్న మలయాళ నటికి ఆమె కాబోయే భర్త, సినీ నిర్మాత బాసటగా నిలిచారు. ఇలాంటి విషయాలను బయటపడాలంటే షూటింగ్‌కు వెళ్లాలని పట్టుబట్టారు. సోమవారం కొన్ని సీన్లను షూట్ చేశారు. ఆమె వెంట కాబోయే భర్త ఉంటున్నాడు. ఆమెకు మనోధైర్యాన్ని కల్పిస్తున్నాడు. సెట్లో ఇతరుల నుంచి ఎలాంటి అసౌకర్యమైన ప్రశ్నలు రాకుండా జాగ్రత్త తీసుకొంటున్నాడు అని సినీ వర్గాలు వెల్లడించాయి.

మొబైల్ ఫోన్ స్విచ్ఛాఫ్.. నో కమ్యూనికేషన్

ఘటన జరిగినప్పటి నుంచి గత కొద్దికాలంగా మలయాళ నటి ఎవరితోనూ మాట్లాడటం లేదు. ఆమె తన ఫోన్‌ను స్విచ్ఛాఫ్ చేసుకొన్నారు. పీడ కల నుంచి విముక్తి పొందేందుకు ప్రస్తుతం ఆమె ఏకాంత జీవితం గడుపుతున్నారు అని సన్నిహితులు తెలిపారు.