ఐశ్వర్య, సచిన్ ఎఫెక్ట్... రూ. 13.6 కోట్ల నిధులు (ఫోటోలు)

By Bojja Kumar

Updated: Monday, February 4, 2013, 18:01 [IST]

ముంబై: దేశంలోని 272కు పైగా పాఠశాలల పునరుద్దణకు నిధులు సేకరించడంలో భాగంగా కోకాకోల-ఎన్‌డిటివి సంయుక్తంగా నిర్వహించిన 'సపోర్టు మైస్కూల్' కాంపెయిన్లో క్రికెట్ లెజెండ్ సచిన్ టెండూల్కర్, బాలీవుడ్ స్టార్ హీరోయిన్ ఐశ్వర్యరాయ్ పాల్గొనడంతో రూ. 13.6 కోట్ల నిధులు సమకూరాయి.

ఈ కాంపెయిన్ అంబాసిడర్ ఐశ్వర్యరాయ్ మాట్లాడుతూ... సపోర్ట్ మై స్కూల్ కార్యక్రమంలో భాగస్వామ్యం కావడం ఎంతో సంతోషాన్ని ఇచ్చింది. విద్య ఎంతో అమూల్యమైనది, దాన్ని అందించడం అత్యంత సాధికారత బహుమతిగా నేనే నమ్ముతాను. ప్రతి చైల్డ్ ఉత్తమ విద్య అందుకేనే అవకాశం కలిగి ఉండాలి. నేటి బాలలకు మంచి చదువు అందితేనే రేపు దేశానికి మంచి పౌరులు అందుతారని వెల్లడించారు.

సెకండ్ ఎడిషన్ 'సపోర్ట్ మై స్కూల్' టెలిథాన్ కార్యక్రమం ముంబైలోని యశ్ రాజ్ స్టూడియోస్ లో జరిగింది. ఈ కార్యక్రమానికి కోకాకోలా ఇండియా, సౌత్ వెస్ట్ ఆసియా ప్రెసిడెంట్, సిఈఓ అతుల్ సింగ్, ఎన్డీటీవీ సీఈఓ విక్రమ్ చంద్ర, కాంపెయిన్ అంబాసిడర్లు ఐశ్వర్యరాయ్, సచిన్ టెండూల్కర్లు హాజరయ్యారు.