సినిమా సుందరాంగులు... కిరీటాలు గెలిచిన వేళ!(ఫోటో ఫీచర్)

By Bojja Kumar

Published: Thursday, February 28, 2013, 17:13 [IST]

హైదరాబాద్: దాదాపుగా ప్రతి అమ్మాయి అందంగా ఉండాలని, ప్రపంచ అందగత్తె కిరీటం గెలుచుకోవాలని ఉవ్విల్లూరుతూ ఉంటుంది. అయితే ఆ కల నెరవేరేది కొందరికి మాత్రమే. కలలు కనడంతో పాటు ఆ కలను నెరవేర్చుకుని....అందాన్ని ఆరాధించే రంగుల సినిమా ప్రపంచంలోకి అడుగు పెట్టి ప్రేక్షకులకు అందాల విందు చేసిన, చేస్తున్న లేడీస్ పై ఓ లుక్కేద్దాం...

అందాల పోటీలంటే కేవలం శరీర సౌందర్యం మాత్రమే కాదు. తెలివి తేటలు, సమయస్ఫూర్తి ప్రదర్శిస్తూ ఎన్నో రంగాల్లో తమ తమ టాలెంట్ నిరూపించుకోవాల్సి ఉంటుంది. అలా అన్ని రంగాల్లో తమ ప్రతిభను చాటి ప్రపంచ అందాల పోటీల్లో తమ సత్తా చాటారు ఐశ్వర్యరాయ్, సుస్మితా సేన్, ప్రియాంక చోప్రా, లారా దత్తా, దియా మీర్జా లాంటి అందగత్తెలు.

వీరితో పాటు అనేక మంది భారతీయ సుందరాంగులు ప్రపంచ వేదికపై మెరవాలని ఆశ పడ్డప్పటికీ లక్ష్యాన్ని అందుకోలేక పోయారు. అయితే కొందరు మాత్రం సినిమా రంగంలోకి తమ రూటు మార్చి రాణిస్తున్నారు. మరికొందరేమో వెండి తెరపై అలా మెరిసి ఇలా మాయమై పోయారు.