For Quick Alerts
    ALLOW NOTIFICATIONS  
    For Daily Alerts

    రిలీజ్ రోజు సినిమా టికెట్ దొరకలేదని స్టార్ హీరో అభిమాని ఆత్మహత్యాయత్నం

    |

    సూపర్ స్టార్ రజిని కాంత్, విశ్వ నాయకుడు కమల్ హాసన్ తర్వాత తమిళ సినీ ఇండస్ట్రీలో స్టార్ హీరోగా వెలుగొందుతున్నాడు అజిత్ కుమార్. స్టైలిష్ లుక్, విలక్షణమైన నటనతో అశేషమైన ఫ్యాన్ ఫాలోయింగ్‌ను సొంతం చేసుకున్నాడు. అయితే, ఈ మధ్య అతడు చేసిన సినిమాలేవీ పెద్దగా ఆడడం లేదు. దీంతో అజిత్ ఫ్యాన్స్ నిరాశకు లోనవుతున్నారు.

    వరుస పరాజయాల తర్వాత అజిత్ నటించిన చిత్రం 'నెర్కొండ పార్వాయి'. బాలీవుడ్‌లో అమితాబ్ బచ్చన్ - తాప్సీ పన్ను కలయికలో వచ్చిన చిత్రం 'పింక్'కు ఇది రీమేక్‌గా వస్తోంది. దీన్ని శ్రీదేవి భర్త బోనీ కపూర్ నిర్మించారు. ఖాకీ ఫేం హెచ్ వినోథ్ ఈ చిత్రానికి దర్శకత్వం వహించాడు. శ్ర‌ద్ధా శ్రీనాథ్‌, అభిరామి వెంక‌టచ‌లం, ఆండ్రియా తరియంగ్‌లు ముఖ్య పాత్ర‌లలో క‌నిపించనున్నారు.

    Ajith Kumars Fan suicide attempt

    వ్యభిచార గృహాల్లో చిక్కుకున్న ముగ్గురు యువతులను రక్షించే న్యాయవాది ఇతివృత్తంగా త‌మిళ నేటివిటీకి అనుగుణంగా ఈ చిత్రాన్ని తెర‌కెక్కించారు. నెర్కొండ పార్వాయి చిత్రంలో అజిత్ భార్య‌గా విద్యా బాల‌న్ న‌టిస్తుంది. ఈమెకి ఈ చిత్రం త‌మిళంలో తొలి మూవీ . గిబ్రాన్‌ చిత్రానికి సంగీతం సమకూర్చుతున్నారు. ఈ సినిమా గురువారం (ఆగస్టు 8) ప్రేక్షకుల ముందుకు వచ్చింది.

    ఈ సినిమా తొలి ఆట నుంచే హిట్ టాక్‌ను సొంతం చేసుకుంది. దీంతో అజిత్‌తో పాటు ఆయన అభిమానులు ఖుషీగా ఉన్నారు. ఈ నేపథ్యంలో ఓ దురదృష్ట సంఘటన కూడా జరిగింది. అజిత్ సినిమా మొదటి రోజు టికెట్ దొరకలేదని ఓ అభిమాని కిరోసిన్ పోసుకుని ఆత్మహత్యయత్నం చేశాడు. అక్కడే ఉన్న పోలీసులు సకాలంలో స్పందించడంతో ప్రాణాపాయం నుంచి తప్పించుకున్నాడు. దీంతో అంతా ఊపిరి పీల్చుకున్నారు.

    English summary
    Nerkonda Paarvai is a powerful title for a film which talks about women and the struggles they face in life. In English, it means the direct gaze. There couldn't have been a better and more apt title for the film.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X