హలో మూవీ ప్రివ్యూ: నాగార్జున కోరిక తీరేనా.. అఖిల్‌కు సక్సెస్ లభించేనా?

హలో స్టోరి ఇదే..

చిన్నతనంలోనే మంచి స్నేహితులైన అబ్బాయి, అమ్మాయి విడిపోతారు. అప్పుడు ఆ అమ్మాయి ఓ ఫోన్ నంబర్ ఇచ్చి వెళ్తుంది. దాదాపు 15 సంవత్సరాలుపాటు హీరోయిన్‌కు హీరో ఫోన్ చేస్తుంటాడు. కానీ అమ్మాయి ఫోన్ ఎత్తదు. ఫోన్ నంబర్ ఇచ్చిన అమ్మాయి ఎందుకు ఫోన్ ఎత్తలేదు. అందుకు కారణాలు ఏమిటి. చివరకు తన స్నేహితురాలిని ఎలా కలుసుకొన్నాడు అనేది ఈ చిత్రకథ.

విక్రమ్ కే కుమార్ డైరెక్షన్

దర్శకుడు విక్రమ్ కుమార్ చెప్పిన హలో చిత్రం ఓ విభిన్నమైన కథ. అనేక మలుపులు, అనుక్షణం ఉత్కంఠ కలిగించే విధంగా పక్కాగా స్క్రీన్ ప్లేను రూపొందించారని నాగార్జున ఇటీవల ఇంటర్వ్యూలో వెల్లడించారు. ఈ చిత్రానికి యాక్షన్ పార్ట్ అదనపు ఆకర్షణ అవుతుందని సినీ వర్గాలు వెల్లడిస్తున్నాయి.

అనూప్ ఫీల్ గుడ్ మ్యూజిక్

సంగీత దర్శకుడు అనూప్ రూబెన్స్ అందించిన పాటలు ఇప్పటికే సంగీత అభిమానులను ఆకట్టుకొన్నాయి. బ్యాక్‌గ్రౌండ్ స్కోర్ కూడా చక్కగా కుదిరింది. ఈ సినిమాను రీరికార్డింగ్ మరోస్థాయికి తీసుకెళ్తుంది అని నాగార్జున చెప్పారు. ఏవేవో క‌ల‌లు క‌న్నా..ఏ వైపో క‌దులుతున్నా...ఏమైందో తెలియ‌కున్నా..ఎన్నెన్నో జ‌రుగుతున్నా..` అనే పాటకు మంచి క్రేజ్ వచ్చింది

పీఎస్ వినోద్ కెమెరా

ఈ చిత్రానికి పీఎస్ వినోద్ సినిమాటోగ్రఫీని అందించారు. అందమైన ప్రేమకథతోపాటు యాక్షన్ కథా చిత్రంగా రూపొందిన హలోలోని ప్రతీ సీన్‌ను అందంగా తీర్చిదిద్దారు. ప్రతీ ఫ్రేమ్ ఆకట్టుకునే విధంగా ఉంటుంది అని అమల చెప్పింది.

అఖిల్‌కు అమ్మానాన్నలుగా

హలో చిత్రంలో అఖిల్‌కు తల్లిదండ్రులుగా జగపతిబాబు, రమ్యకృష్ణ నటించారు. ఒకప్పుడు హీరో, హీరోయిన్లుగా నటించిన ఈ జంట అఖిల్‌కు అమ్మా, నాన్నగా నటించి అదరగొట్టారని చిత్ర యూనిట్ వెల్లడించింది. షార్ట్ హెయిర్ కట్‌లో రమ్యకృష్ణ లుక్ డిఫరెంట్‌గా ఉంది.

40 కోట్ల బడ్జెట్‌‌తో

భారీ అంచనాల మధ్య రీలీజ్ అవుతున్న హలో చిత్రాన్ని 40 కోట్ల బడ్జెట్‌తో రూపొందించారు. అన్ని అంశాల్లో సమతూకం ఉందనే అభిప్రాయంతో ఉన్న చిత్ర యూనిట్, నాగార్జున మంచి ఆత్మవిశ్వాసంతో ఉన్నారు.

టీజర్లు, ఫస్ట్‌లుక్‌ మంచి రెస్పాన్స్

ఇప్పటికే రిలీజైన హలో టీజర్లు, ఫస్ట్ లుక్‌కు విశేష ఆదరణ లభించింది. యూట్యూబ్‌లో రికార్డు స్థాయి వ్యూస్, లైక్స్ వచ్చాయి. ఈ విధంగా వచ్చిన ప్రజాదరణ హలో చిత్రంపై భారీ అంచనాలు పెరిగాయి.

నటీనటులు, సాంకేతికవర్గం

నటీనటులు : అఖిల్, కళ్యాణి ప్రియదర్శన్ , రమ్య కృష్ణ , జగపతిబాబు
నిర్మాత: నాగార్జున అక్కినేని
దర్శకత్వం: విక్రమ్ కే కుమార్
సినిమాటోగ్రఫీ: పీఎస్ వినోద్
ఎడిటర్ : ప్రవీణ్ పూడి
మ్యూజిక్ : అనూప్ రూబెన్స్
రిలీజ్ డేట్: డిసెంబర్ 22, 2017