అకీరా మెగా ఫ్యామిలీ వారసుడే, వాడి రక్తంలోనే ఉంది: రేణు దేశాయ్

మెగా ఫ్యామిలీలో నా సొంత కొడుకు ఉన్నారు కదా...

పవన్ కళ్యాణ్‌తో విడిపోయిన తర్వాత రేణు దేశాయ్ దర్శకత్వం, నిర్మాణం, రచనలో తన ప్రతిభ నిరూపించుకునే ప్రయత్నం చేస్తున్న సంగతి తెలిసిందే. ఇప్పికే రెండు చిత్రాలను ఆమె రూపొందించారు. తనకు దర్శకత్వం అంటే చాలా ఇష్టమని తాజా ఇంటర్వ్యూలో వెల్లడించారు. అయితే మెగా ఫ్యామిలీలో ఏ హీరోతో చేయాలని ఉంది? అనే ప్రశ్నకు రియాక్ట్ అవుతూ ‘నా సొంత అబ్బాయి ఉన్నాడు కదా' అని రిప్లై ఇవ్వడం గమనార్హం.

అకీరా గురించి ఇప్పుడే చెప్పలేను

అకీరా యాక్టింగ్ వైపు వస్తాడా? లేక ఇతర రంగాల వైపు వెళతాడా? అనేది తాను ఇప్పుడే చెప్పలేను. కేవలం 14 సంవత్సరాల పిల్లాడు. చైల్డ్ హుడ్ ఎంజాయ్ చేస్తున్నాడు. ఇప్పుడైతే అకీరాకు మ్యూజిక్ అంటే ఇష్టం. పియానా వాయిస్తాడు. ప్రతి ఒక్కరూ నన్ను అకీరాను హీరోగా ఇంట్రడ్యూస్ చేస్తారా? అని అడుగుతున్నారు. వారికి చెప్పేది ఒకటే. నేనే ఏమీ చేయను. ఇప్పటి నుంచి అకీరా బ్రెయిన్లో యాక్టర్ కావాలనే ప్రెషర్ పెట్టడం నాకు ఇస్టం లేదని రేణు దేశాయ్ తెలిపారు.

మెగా ఫ్యామిలీ రక్తం అకీరాలో ఉంది

అకీరా మెగా ఫ్యామిలీకి చెందిన వ్యక్తిగా ఉండాలనే విషయంలో నాకేమీ అభ్యంతరం లేదు. వాడి రక్తంలోనే అది ఉంది. పవన్ కళ్యాణ్ కొడుకు. చిరంజీవి పెద్దనాన్న. రామ్ చరణ్ లాంటి పెద్ద హీరో అకీరాకు బ్రదర్ అని రేణు దేశాయ్ తెలిపారు.

నాన్నతో పిల్లలు వెకేషన్ వెళ్లారు

ప్రస్తుతం పిల్లలు వాళ్ల నాన్నతోనే విదేశాలకు క్రిస్మస్ వెకేషన్ వెళ్లారు. ప్రతి ఏడాది 10 రోజులు వారు తప్పకుండా కళ్యాణ్ గారితో వెకేషన్ వెళతారు. వారు ఇప్పుడు ఇండియాలో లేరు... ఫ్రీ టైమ్ ఉంది కాబట్టే నేను హైదరాబాద్ వచ్చి మీడియా ఛానల్స్‌కు ఇంటర్వ్యూ ఇస్తున్నట్లు రేణు దేశాయ్ తెలిపారు.

పవన్ కళ్యాణ్ గురించి మాట్లాడినా, మాట్లాడకున్నా ఇబ్బందే

పవన్ కళ్యాణ్ లాంటి పెద్ద సెలబ్రిటీకి మాజీ భార్యను కావడం వల్ల కొన్ని సందర్భాల్లో ఇబ్బందులు తప్పడం లేదు. ఆయన గురించి ఏదైనా మాట్లాడితే...పబ్లిసిటీ కోసం మాట్లాడుతుంది అంటారు. మాట్లడకపోతే మరో రకంగా బ్లేమ్ చేస్తారు అని రేణు దేశాయ్ తెలిపారు.

నా సొంత లవ్, పెయిన్ ఆ పుస్తకంలో

‘ఎ లవ్‌, అన్‌ కండీషనల్‌' అనే పుస్తకంలోని కవితలు నేను స్వయంగా అనుభవించిన ప్రేమ, సంతోషం, బాధ లాంటి వాటికి ప్రతిరూపం. ప్రతి ఒక్కరి జీవితంలో పెళ్లి సంతోషాన్ని ఇస్తుంది, విడాకులు బాధను ఇస్తుంది. ఇలా ఎన్నో అంశాలు ప్రేమ, సంతోషం, బాధను కలిగిస్తాయని రేణు దేశాయ్ తెలిపారు.