»   » సెప్టెంబర్ నుంచి అల్లరి నరేష్‌ కొత్త చిత్రం

సెప్టెంబర్ నుంచి అల్లరి నరేష్‌ కొత్త చిత్రం

Posted By:
Subscribe to Filmibeat Telugu
హైదరాబాద్ : వరస ఫ్లాపుల్లో ఉన్న అల్లరి నరేష్ మరో కొత్త చిత్రం కమిటయ్యారు. ఆ చిత్రం టైటిల్ 'జంపు జిలానీ' అని ఫిక్స్ చేసారు. ఇ.సత్తిబాబు దర్శకత్వం వహించే చిత్రం ఇది. వీరిద్దరి కలయికలో నేను, 'బెట్టింగ్‌ బంగార్రాజు', 'యముడికి మొగుడు' సినిమాలొచ్చాయి. ఇప్పుడు ముచ్చటగా మూడోసారి ఈ కాంబినేషన్‌ వినోదాన్ని పంచబోతోంది.

అంబికా కృష్ణ ఈ చిత్రానికి నిర్మాతగా వ్యవహరిస్తారు. నరేష్‌ సరసన విశాఖ సింగ్‌ హీరోయిన్ గా నటించే అవకాశాలున్నాయి. సెప్టెంబరులో ఈ సినిమా సెట్స్‌పైకి వెళ్లనుంది. ఈ చిత్రానికి సంబంధించిన పూర్తి వివరాలు త్వరలో తెలుస్తాయి. సుడిగాడు లో డ్యూయిల్ రోల్ లో కనిపించిన అల్లరి నరేష్ ...త్వరలో ఈ చిత్రంలో మరోసారి ద్విపాత్రాభినయం చేస్తూ నవ్వించబోతున్నారు.

తమిళంలో విజయవంతమైన 'కలగలప్పు' అనే సినిమా రీమేక్ గా ఈ చిత్రం తెరకెక్కనుంది. రీసెంట్ గా నరేష్‌ - సత్తిబాబు కలయికలో 'యముడికి మొగుడు' వచ్చింది. ఆ చిత్రం భాక్సాఫీస్ వద్ద వర్కవుట్ కాలేదు. తమిళంలో సూపర్ హిట్టైన 'కలగలప్పు' ఇద్దరికీ విజయం తెచ్చిపెడుతుందని భావిస్తున్నారు. ఇక 'కలగలప్పు' చిత్రం ఇద్దరు స్నేహితులు తమ వారసత్వంగా వచ్చిన రెస్టారెంట్ ని ఓ రియల్ ఎస్టేట్ డవలపర్ నుంచి కాపాడుకోవటానికి చేసిన ప్రయత్నాలతో రూపొందింది. ఈ చిత్రం సోల్ కిచెన్ అనే జర్మినీ చిత్రం ఆధారంగా రూపొంది తమిళంలో మంచి విజయం సాధించింది. తెలుగులోనూ ఈ చిత్రం వర్కవుట్ అయ్యే అవకాసం ఉంది.


ప్రస్తుతం రవిబాబు దర్శకత్వంలో 'లడ్డూ బాబు'గా ముస్తాబవుతున్నారు నరేష్‌. త్రిపురనేని రాజేంద్ర నిర్మాత. ఈ సినిమాలో నరేష్‌ కోసం ప్రత్యేకమైన మేకప్‌ విధానాలను అనుసరిస్తున్నారు. ఈ చిత్రంలో నరేష్‌ పాత్ర కొత్త తరహాలో వినోదాన్ని పంచేలా ఉంటుందని సమాచారం. ఇందుకు సంబంధించిన మేకప్‌ కోసం లండన్‌లోని నిపుణులను సంప్రదించారు. వారి సూచనలకు అనుగుణంగా నరేష్‌కి మేకప్‌ చేస్తున్నారు. ఇందుకోసం సుమారు మూడు గంటలపాటు మేకప్‌ చేయాల్సి ఉంటుంది. ఇందుకు సంబంధించిన చిత్రీకరణ విషయంలో హీరో, దర్శకనిర్మాతలు పలు జాగ్రత్తలు తీసుకొంటున్నారు. సెట్‌కి యూనిట్ మినహా మరెవరూ రాకుండా చూసుకొంటున్నారు.

English summary

 Allari Naresh is all set for his new film ‘Jump Jilani’ with comedy director E Satti Babu. Earlier these duo worked before Nenu, Betting Bangarraju and Yamudiki Mogudu. Ambica Krishna is going to produce the film.
Please Wait while comments are loading...