ఈవివి సినిమా: ‘బందిపోటు’గా అల్లరి నరేష్

ఆర్యన్ రాజేష్

ఈ చిత్రం ద్వారా ఇవివి పెద్ద కుమారుడు ఆర్యన్ రాజేష్ నిర్మాతగా మారుతున్నారు. గతంలో ఆర్యన్ రాజేష్ ‘హాయ్' సినిమాతో పాటు పలు చిత్రాల్లో హీరోగా నటించిన సంగతి తెలిసిందే.

అల్లరి నరేష్

అల్లరి నరేష్ ప్రస్తుతం వివిధ ప్రాజెక్టులతో బిజీగా గడుపుతున్నారు. దీని తర్వాత జూన్ 10 నుండి జరిగే ‘బంధిపోటు' సినిమా షూటింగులో పాల్గొంటాడు.

మోహన కృష్ణ ఇంద్రగంటి

ఇటీవల ‘అంతకు ముందు ఆ తర్వాత' చిత్రంతో మంచి విజయాన్ని సొంతం చేసుకున్న ఇంద్రగంటి మోహనకృష్ణ దర్శకత్వంలో ‘బందిపోటు' చిత్రం తెరకెక్కబోతోంది.

కామెడీ ఎంటర్టెనర్

ఈచిత్రాన్ని పూర్తి వినోదత్మక చిత్రంగా, కామెడీ ప్రధానంగా తెరకెక్కిస్తున్నట్లు రాజేష్ తెలిపారు. త్వరలోనే ఈచిత్రానికి సంబంధించిన నటీనటులు మరి సాంకేతిక నిపుణుల వివరాలు తెలియజేస్తామని తెలిపారు. అల్లరి నరేష్ మార్కు కామెడీతో ఫ్యామిలీ ఎంటర్టెనర్‌గా ఈ చిత్రాన్ని ప్లాన్ చేస్తున్నారు.