Click it and Unblock the Notifications
అల్లు అర్జున్ పై అది రూమర్ కాదు...నిజమే
దాన్ని రూమర్ అని కొట్టిపారేసారు. కెప్టెన్ కుర్చీలో కూర్చొని 'స్టార్ట్ కెమెరా యాక్షన్...' అని అల్లు అర్జున్ అనటం అబద్దం అన్నారు. అయితే అది నిజమే
అని తేలింది. ఈ విషయాన్ని దర్శక,నిర్మాత వైవియస్ చౌదరి స్వయంగా మీడియాకు తెలియచేసారు. తన తాజా చిత్రం రేయ్ ప్రమోషన్ లో భాగంగా
దాన్ని వాడుకుంటున్నారు.
అయితే అల్లు అర్జున్ డైరక్షన్ సినిమా మొత్తానికి కాదు... ఓ షాట్కి మాత్రమే! వైవీఎస్ చౌదరి దర్శకత్వంలో తెరకెక్కిన చిత్రం 'రేయ్'. సాయిధరమ్తేజ్
కథానాయకుడు. ఈ చిత్రంతోనే బన్నీ దర్శకత్వ ముచ్చట తీర్చుకొన్నారు. ఈ సినిమాలోని అతి కీలకమైన ఓ షాట్... అల్లు అర్జున్ నేతృత్వంలో
తెరకెక్కింది. 'రేయ్' పాటల్ని వచ్చే నెల మొదటివారంలో విడుదల చేస్తారు. ఫిబ్రవరి 5న సినిమా ప్రేక్షకుల ముందుకు వస్తుంది.
ఈ విషయం గురించి వైవీఎస్ చౌదరి మాట్లాడుతూ ''అవును... ఈ సినిమాలో ఓ షాట్కి అల్లు అర్జున్ దర్శకత్వం వహించారు. బన్నీ నాకు 'డాడీ' సినిమా
నుంచీ తెలుసు. ఇద్దరం మంచి స్నేహితులం కూడా. అతనిలోని ఎనర్జీ చూస్తే ముచ్చటేస్తుంది. 'దేవదాస్' సినిమాకి తన చేతుల మీదుగానే నేను స్క్రిప్టు
అందుకొన్నా. ఆ సినిమా ఎంతటి విజయం సాధించిందో తెలిసిందే.
ఓరోజు 'ఇద్దరమ్మాయిలతో', 'రేయ్' షూటింగులు ఒకే చోట జరుగుతున్నాయి. 'రేయ్'కోసం ఓ పాట తెరకెక్కిస్తున్నాం. క్లైమాక్స్ సన్నివేశాల్లో వచ్చే పాట
అది. ఆ పాట నిడివి ఎనిమిది నిమిషాలకు పైనే. ఈ పాట కోసం దాదాపు 33 రోజులు శ్రమించాం. అందులోని ఓ కీలకమైన షాట్ని బన్నీ చేతుల మీదుగా
తెరకెక్కించాం. ఆ ప్రభావమో ఏమో.. అల్లు అర్జున్ ఎనర్జీ ఆ పాటలోనూ కనిపిస్తుంది'' అని చెప్పుకొచ్చారు.
Continue with Google