ఫోటో మూమెంట్స్ : ‘రుద్రమదేవి’ లో అల్లు అర్జున్

నాటి వర్ధమానపురం (నేటి మహబూబ్‌నగర్‌ జిల్లా వడ్డెమాన్‌) ప్రాంతానికి చెందిన గోన గన్నారెడ్డి.

బందిపోటు పాత్రలో అల్లు అర్జున్‌ కనిపించనున్నారు.

ఈ లుక్‌ని, మేకింగ్‌ వీడియోని సంక్రాంతి కానుకగా విడుదల చేసారు..అందరినుంచి మంచి ప్రసంసలు వచ్చాయి.

ఈ గోన గన్నారెడ్డి పాత్ర ‘రాబిన్‌ హుడ్‌' తరహాలో యువతరాన్ని, పిల్లల్ని విశేషంగా ఆకట్టుకునే రీతిలో సాగుతుంది.

పోరుగడ్డకి తిరుగుబాబు నేర్పిన కాకతీయ వీరఖడ్గం గోనగన్నారెడ్డిగా అల్లు అర్జున్‌ నటన చిత్రానికే హైలైట్‌గా నిలుస్తుంది.

పీటర్‌ హెయిన్స్‌ ఆధ్వర్యంలో చిత్రీకరించిన పోరాట సన్నివేశాలు ప్రేక్షకుల్ని సంభ్రమాశ్చర్యాలకు గురి చేస్తాయి.

ఈ చిత్రం ప్రస్తుతం పోస్ట్‌ ప్రొడక్షన్‌ పనులు జరుపుకుంటోంది.

ఈ చిత్రం భారతదేశంలోనే మొట్టమొదటి స్టీరియోస్కోపిక్‌ 3డి చిత్రంగా నిర్మించబడుతోంది.

ఇందులో అనుష్క రెండు విభిన్నమైన గెటప్‌లో కనిపించబోతోంది. ఒకటి వీరనారిగా అయితే రెండోది గ్లామరస్‌ ప్రిన్సెస్‌. ఈ రెండు గెటప్‌ల కోసం కేవలం మూడు నెలల వ్యవధిలో తన బాడీ లాంగ్వేజ్‌ను మార్చుకుంది.

పన్నెండేళ్ల క్రితమే 'రుద్రమదేవి' చరిత్రని సినిమాగా తీయాలన్న ఆలోచన వచ్చింది. అప్పట్లో ఆ పాత్రకు ఎవరు సరితూగుతారా? అంటూ అన్వేషించా. కొంతమందితో ఫొటో షూట్‌ కూడా నిర్వహించాం అన్నారు.

గుణశేఖర్ కంటిన్యూ చేస్తూ... ఓసారి 'అరుంధతి' సినిమా చూశా. అందులో జేజమ్మగా అనుష్కని చూసి షాక్‌ తిన్నా.

'నా రుద్రమదేవి దొరికేసింది' అనిపించింది. ఈ సినిమాని నేనెంత ప్రేమించానో, అంతకంటే ఎక్కువగా ప్రేమించింది అనుష్క. షూటింగ్‌ మొదలెట్టక ముందే ఎన్నో కసరత్తులు చేసింది, గుర్రపు స్వారీ నేర్చుకొంది అననారు.

'రుద్రమదేవి దిగొచ్చింది' అనుకొనేలా కష్టపడింది. పోరాట సన్నివేశాల్లో హీరోలు ఎంతో రిస్క్‌ తీసుకొంటారో, అనుష్క అంతకంటే ఎక్కువగానే తీసుకొంది. ఓ సన్నివేశంలో నూటయాభై అడుగుల ఎత్తున వేలాడుతూ నటించింది.

ఈ సినిమాలో ఆమె పాత్రలో రెండు ఛాయలుంటాయి. ఒకటి రాణీ రుద్రమ, మరోటి యువరాణి ఝాన్సీ. రుద్రమదేవి పాత్రలో రాజసం, ఠీవీ ఎంత ముఖ్యమో.. రాజకుమారిగా కనిపించాలంటే సున్నితత్వం, లాలిత్యం అంతే అవసరం.

రాజకుమారి పాత్ర కోసం మూడు నెలల విరామంలో బరువు తగ్గి, మళ్లీ స్లిమ్‌గా మారింది. ఆమెను రాజకుమారిగా చూసి యూనిట్‌ సభ్యులు మొత్తం ఆశ్చర్యపోయాం.

ఈ చిత్రంలో రాణీ రుద్రమగా....అనుష్క, చాళుక్య వీరభద్రునిగా.... రానా, గణపతిదేవునిగా.... కృష్ణంరాజు, శివదేవయ్యగా... ప్రకాష్‌రాజ్, హరిహరదేవునిగా.... సుమన్, మురారిదేవునిగా... ఆదిత్యమీనన్, నాగదేవునిగా.... బాబా సెహగల్, కన్నాంబికగా.... నటాలియాకౌర్, ముమ్మడమ్మగా.... ‘లైఫ్ ఈజ్ బ్యూటిఫుల్' ఫేం జరాషా, మదనికగా.... హంసానందిని, అంబదేవునిగా.... జయప్రకాష్‌రెడ్డి, గణపాంబగా.... అదితి చంగప్ప, కోటారెడ్డిగా.... ఆహుతి ప్రసాద్, టిట్టిబిగా..... వేణుమాధవ్,ప్రసాదాదిత్యగా .....అజయ్ కనిపించనున్నారు.

ఈ చిత్రానికి సంగీతం : ఇళయరాజా, ఆర్ట్: తోట తరణి, ఫోటోగ్రపీ : అజయ్ విన్సెంట్, కాస్టూమ్స్ : నీతా లుల్లా(జోధా అక్భర్ ఫేం), ఎడిటింగ్ : శ్రీకర్ ప్రసాద్, విఎఫ్ ఎక్స్ : కమల్ కణ్ణన్, మాటలు : పరుచూరి బ్రదర్స్, పాటలు : సిరివెన్నెల, మేకప్ : రాంబాబు, నిర్మాత-కథ-స్ర్కీన్ ప్లే-దర్శకత్వం : గుణ శేఖర్.