మెగా మేనల్లుడిపై రామ్ చరణ్, అల్లు అర్జున్ కామెంట్స్.. వైరల్ అవుతున్న ట్వీట్స్

సాయి ధరమ్ తేజ్.. ప్రతిరోజూ పండగే

సాయి ధరమ్ తేజ్ హీరోగా మారుతి దర్శకత్వంలో తెరకెక్కిన సినిమా ‘ప్రతిరోజూ పండగే'. డిసెంబర్ 20న విడుదలైన ఈ సినిమా తొలి రోజు నుంచే సక్సెస్‌ఫుల్‌గా రన్ అవుతూ హిట్ టాక్ తెచ్చుకుంది. అల్లు అరవింద్ సమర్పణలో బన్ని వాసు నిర్మించిన ఈ చిత్రంలో రాశీ ఖన్నా హీరోయిన్‌గా నటించింది. సత్యరాజ్ కీలక పాత్రలో నటించాడు.

రామ్ చరణ్, అల్లు అర్జున్ ఫిదా

ఫ్యామిలీ ఆడియన్స్‌ని విశేషంగా ఆకట్టుకుంటున్న ఈ సినిమా విమర్శకుల ప్రశంసలు అందుకుంటోంది. తాజాగా ఈ సినిమా చూసిన మెగా హీరోలు రామ్ చరణ్, అల్లు అర్జున్ ఫిదా అయ్యారు. ఈ మేరకు సోషల్ మీడియా వేదికగా స్పందిస్తూ సినిమాపై, నటీనటులపై తమ స్పందన తెలిపారు.

మెగా పవర్ స్టార్ ఏమన్నారంటే..

‘ప్రతిరోజూ పండగే' సినిమా చూసిన రామ్ చరణ్.. చిత్ర యూనిట్‌ను అభినందించాడు. కుటుంబ విలువలను కళ్ళకు కట్టినట్లు చూపుతూ ఎంటర్‌టైన్ చేసిన ఈ చిత్రాన్ని అందరూ తప్పకుండా చూడాలని చెర్రీ అన్నారు. ఈ మేరకు సాయి ధరమ్ తేజ్, మారుతి ప్రతిభలను కొనియాడారు.

మా నాన్న అల్లు అరవింద్‌కు.. అల్లు అర్జున్ కామెంట్

అదేవిధంగా మరో మెగా హీరో అల్లు అర్జున్ కూడా ‘ప్రతిరోజూ పండగే' చిత్రం చూసి రియాక్ట్ అయ్యారు. ఈ చిత్రంతో నా కజిన్ సాయి ధరమ్ తేజ్ మంచి హిట్ అందుకున్నాడని, నా మిత్రుడు మారుతి ఈ చిత్రాన్ని ఎంతో అద్భుతంగా తెరకెక్కించాడని అల్లు అర్జున్ పేర్కొన్నారు. అంతేకాదు బన్నివాసు ఈ సినిమాతో మంచి హిట్టు అందుకున్నాడని, ఈ సినిమాతో మా నాన్న అల్లు అరవింద్‌కు, యూవీ క్రియేషన్స్ వాళ్లకు మంచి లాభాలొచ్చాయని బన్నీ తెలిపారు.