Click it and Unblock the Notifications
Don't Miss!
-
Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ.. -
ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..! -
నాకు అండగా, చీకటిలో వెలుగుగా.. -
వేసవిలో సందర్శించేందుకు దేశంలోని బెస్ట్ ఆఫ్బీట్ హిల్ స్టేషన్లు ఇవే.. -
కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!! -
భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి.. -
భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
బాలచందర్‌ను కలిసిన అమీర్‌ఖాన్‌....అరగంట మీటింగ్
చెన్నై : 'దర్శక శిఖరం' కె.బాలచందర్‌ను ప్రముఖ బాలీవుడ్‌ నటుడు అమీర్‌ఖాన్‌ మర్యాదపూర్వకంగా కలిశారు. అరగంట పాటు వీరి భేటీ జరిగింది. తన చిత్ర విశేషాల గురించి అమీర్‌ఖాన్‌ ఆయనతో ముచ్చటించారు. 'ధూమ్ 3' చిత్రం, 'సత్యమేవ జయతే' టీవీ కార్యక్రమాలపై వారు మాట్లాడినట్లు సమాచారం. గొల్లపూడి అవార్డు కార్యక్రమంలోని తీపి గురుతులను బాలచందర్‌తో అమీర్ పంచుకున్నారు.
ఇక 'ధూమ్-3' సినిమాలో అమీర్ ఖాన్ కొత్త తరహా నృత్యం చేశారు. ఇంతకీ అదేమిటో తెలుసా..? ట్యాప్‌ డ్యాన్స్‌! దీని గురించి తెలియాలంటే డిసెంబరు 20 వరకూ ఆగాల్సిందే. అప్పుడే ఈ చిత్రం ప్రేక్షకుల ముందుకు రాబోతోంది. ఈ నృత్యం నేర్చుకొనేందుకు అమీర్ ఖాన్ ఆస్ట్రేలియాకు వెళ్లొచ్చారట. అక్కడే ప్రముఖ డ్యాన్సర్‌ డీన్‌ పెర్రీ దగ్గర ఈ తరహా నృత్యం అభ్యసించారు.
'ధూమ్-3' సినిమా ప్రతినిధి ఒకరు మాట్లాడుతూ ''ఆస్ట్రేలియాలోని డీన్‌ పెర్రీ అకాడెమీలో ట్యాప్‌ డ్యాన్స్‌ నేర్చుకొనేందుకు అమీర్ ఖాన్ వెళ్లారు. అక్కడ్నుంచి తిరిగి వచ్చిన తరవాత ఓ పాటను చిత్రీకరించాం. అందులో ఆయన ఈ తరహా నృత్యం చేశారు. డీన్‌ పెర్రీ ఆస్ట్రేలియాలో పేరున్న కొరియోగ్రాఫర్‌. ఆయనకు ఈ నృత్యంలో మంచి పేరుంది. అమీర్ కూడా ఈ ట్యాప్‌ డ్యాన్స్‌కు తనదైన శైలిని జోడించి తెరపై అద్భుతంగా నర్తించారు''అని తెలిపారు.
అభిషేక్ బచ్చన్, కత్రినా కైఫ్, ఉదయ్ చోప్రా కీలక పాత్రలు పోషించిన 'ధూమ్-3'ని విజయ్ కృష్ణ ఆచార్య రూపొందించారు. యశ్‌రాజ్‌ ఫిలిమ్స్‌పై ఆదిత్య చోప్రా నిర్మించారు. ధూమ్, ధూమ్-2 చిత్రాలు భారీ విజయం సాధించి నేపథ్యంలో దానికి సీక్వెల్‌గా రూపొందుతున్న 'ధూమ్-3' చిత్రంపై మొదటి నుండీ భారీ అంచనాలే ఉన్నాయి. పైగా అమీర్ ఖాన్ లాంటి స్టార్ హీరో ఈచిత్రంలో నటిస్తుండటం కూడా మరో కారణం. . ఈచిత్రం క్రిస్‌మస్ సీజన్‌‍ను పురస్కరించుకుని డిసెంబర్ 20న విడుదల చేయడానికి సన్నాహాలు చేస్తున్నారు. భారీ యాక్షన్ సన్నివేశాలు, కళ్లు చెదిరే సాహసాలు ఈచిత్రంలో ప్రేక్షకులను మంత్రముగ్ధులను చేయనున్నాయి. ధూమ్ చిత్రం మొదటి భాగంలో జాన్ అబ్రహం నటించగా....దానికి సీక్వెల్ గా వచ్చి ధూమ్-2 చిత్రంలో హృతి రోషన్ ప్రేక్షకులను మెప్పించాడు. ఇప్పుడు అమీర్ ఖాన్ 'ధూమ్-3' చిత్రం ద్వారా ప్రేక్షకుల ముందుకు రాబోతున్నాడు.
