ఫోటోలు : షూటింగులో నాగ్, అమితాబ్, ప్రభు

ఈ సందర్భంగా అమితాబ్ నాగార్జున తండ్రి నాగేశ్వరరావుపై, ప్రభు తండ్రి శివాజీ గణేశన్‍‌పై, శివరాజ్ కుమార్ తండ్రి రాజ్ కుమార్ పై ప్రశంసలు వర్షం కురిపించారు. ఈ సందర్భంగా ఆ లెజండరీ యాక్టర్స్ టాలెంట్ గురించి పలు ప్రశంసలు చేసారు.

అమితాబ్ బచ్చన్ మరిన్ని విషయాలు వెల్లడిస్తూ...ఉదయం 7 గంటలకే షూటింగ్ ప్రారంభమైంది. రాత్రి 11 గంటల వరకు సాగింది. గతంలో కూడా కళ్యాన్ జ్యువెల్లర్స్ యాడ్‌కు సంబంధించి పలు యాడ్లలో మేము కలిసి పని చేసాం అని వెల్లడించారు.

కన్నడ నటుడు అజయ్ రావు, నటి రాగిణి ద్వివేది కూడా ఈ సారి యాడ్లో దర్శనం ఇవ్వబోతున్నారు. ఈ సారి యాడ్ ఫిల్మ్ చాలా గ్రాండ్‌గా, వినియోగదారులను ఆకట్టుకునే విధంగా చిత్రీకరిస్తున్నట్లు కంపెనీ వర్గాలు వెల్లడించారు.

నాగార్జున ఈ సందర్బంగా మాట్లాడుతూ...చాలా కాలం తర్వాత అమితాబ్ గారితో కలిసి నటిస్తున్నాను. ఆయనతో కలిసి పని చేసినప్పుడల్లా ఎన్నో కొత్త విషయాలు నేర్చుకుంటాను. నన్ను ఎప్పుడూ ఎంకరేజ్ చేస్తూ ఉంటారు అని తెలిపారు.

మలయాళం నటి మంజు వారియర్ మాట్లాడుతూ...దాదాపు 14 ఏళ్ల గ్యాప్ తర్వాత కళ్యాణ్ జ్యువెల్లరీ యాడ్ కోసం అమితాబ్ బచ్చన్‌తో కలిసి కెమెరా ముందుకు వస్తున్నానని వెల్లడించారు.

ఇది తనకు సెకండ్ ఇన్నింగ్స్ అని, సెకండ్ ఇన్నింగ్స్‌లో తొలి షూటింగ్ అమితాబ్ బచ్చన్‌తో కలిసి పాల్గొనడం ఎంతో ఆనందంగా ఉందని మంజు వారియర్ వెల్లడించారు. తనకు మరిన్ని అవకాశాలు వస్తాయనే ఆశాభావం వ్యక్తం చేసారు.