Don't Miss!
- News అభ్యర్దుల మార్పు పై చంద్రబాబు కీలక నిర్ణయం - ఆ నేతలకు పిలుపు..!!
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Finance IREDA: భారీగా లాభాలను ప్రకటించిన ఐఆర్ఈడీఏ..
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
అలా చేస్తే ఎవరికీ కనిపించకుండా పోతా : అమితాబ్ వార్నింగ్
తన పుట్టినరోజు వేడుకలు జరుపవద్దని అమితాబ్ అన్నారు. అలాంటివి చేయడం తనకు ఇష్టం ఉండదని తెలిపారు.
పుట్టినరోజు వేడుకలు జరుకోవడం అంటే ఒకప్పుడు తమ స్టేటస్కు సింబల్ గా భావించేవారు. ముఖ్యంగా సినిమా స్టార్లలో ఇలాంటి పోకడలు ఎక్కువగా కనిపించేవి. ఇక ఆ నటుడు పెద్ద స్టార్ అయి ఉంటే అభిమానులు చేసే హడావుడి అంతా ఇంతా కాదు.
అయితే బాలీవుడ్ మెగాస్టార్ అమితాబ్ బచ్చన్కు ఏమైందో తెలియదు కానీ.... తన పుట్టినరోజు వేడుకలు ఎవరూ జరుపడానికి వీల్లేదంటూ వార్నింగ్ ఇచ్చారు. తన పుట్టిన రోజు వేడుకలను ఎవరూ నిర్వహించవద్దని, తన మాటను కాదని ఎవరైనా వేడుకలను నిర్వహిస్తే ఎవ్వరికీ కనిపించకుండా, ఎవ్వరూ కనుక్కోలేని ప్రాంతానికి వెళ్లిపోతానని ఇటీవల వార్నింగ్ ఇచ్చారు.
అమితాబ్ 75
అమితాబ్ బచ్చన్ అక్టోబర్ 11న 75వ వసంతంలోకి అడుగు పెట్టబోతున్నారు. ఈ నేపథ్యంలో కొందరు అభిమానులు ఇప్పటి నుండే వేడుకల గురించి ఆలోచన చేస్తున్న నేపథ్యంలో ఆయన ఈ వ్యాఖ్యలు చేయడం చర్చనీయాంశం అయింది.
అమితాబ్ బిజీ బిజీ
75 ఏళ్ల వయసులోనూ అమితాబ్ అలుపు లేకుండా సినిమాలు చేస్తూ బిజీ బిజీగా గడుపుతున్నారు. ప్రస్తుతం ఆయన '102 నాటౌట్', 'థగ్స్ ఆఫ్ హిందుస్థాన్' చిత్రాల్లో నటిస్తున్నారు.
`కౌన్ బనేగా కరోడ్పతి9` షురూ
సినిమాలతో పాటు ఆయన `కౌన్ బనేగా కరోడ్పతి` అనే టీవీ షో హోస్ట్ చేస్తున్న సంగతి తెలిసిందే. ఇప్పటికే విజయవంతంగా 8 సీజన్లు పూర్తి చేసుకున్న ఈ షో తాజాగా 9వ సీజన్ ప్రారంభమైంది. సెట్లో షూటింగ్ జరుగుతున్న ఫొటోలను ఆయన ట్విట్టర్ ద్వారా షేర్ చేశారు.
సరికొత్తగా
`కౌన్ బనేగా కరోడ్పతి9` గత సీజన్ల కంటే కొత్తగా ఉండబోతోంది. ప్రాథమిక నియమాల్లో పెద్దగా మార్పు లేకున్నా సాంకేతికతకు ఎక్కువ ప్రాధాన్యతనివ్వనున్నట్లు తెలుస్తోంది. పార్టిసిపెంట్కు సహాయంగా ఆడియన్స్లో తమకు నమ్మకస్తుణ్ని అందుబాటులో ఉంచడం, ఫోన్ ఎ ఫ్రెండ్ ఆప్షన్లో వీడియో కాల్ సదుపాయంతో పాటు మరికొన్ని ఇతర మార్పులు చేయనున్నారు.
సెప్టెంబర్ నుండి టీవీల్లో
`కౌన్ బనేగా కరోడ్పతి9` సోనీ టీవీలో సెప్టెంబర్లో ప్రారంభమై ఆరు వారాల పాటు కేవలం 30 ఎపిసోడ్లుగా ఈ షో ప్రసారం కానుంది. గత షోలతో పోలిస్తే ఇందులో ప్రశ్నల సంఖ్య పెంచుతున్నట్లు సమాచారం.