For Quick Alerts
    ALLOW NOTIFICATIONS  
    For Daily Alerts

    బాలకృష్ణ కోపం గురించి అంజలి

    By Srikanya
    |

    హైదరాబాద్ : బాలకృష్ణ సెట్‌లో చాలా కోపంగా ఉంటారనీ... క్రమశిక్షణ ఎక్కువనీ ఇలా చాలా చాలానే విన్నా. దీంతో తొలి రోజు భయపడుతూనే సెట్‌కి వెళ్లా. క్రమశిక్షణ, సమయపాలన విషయాల్లో చెప్పినట్టే జరిగింది కానీ... బాలకృష్ణగారు సెట్‌లో కోప్పడిన సందర్భం మాత్రం ఒక్కటంటే ఒక్కటీ లేదు అంటూ చెప్పుకొచ్చింది అంజలి. నందమూరి బాలకృష్ణతో ఆమె ‘డిక్టేటర్‌'లో నటించింది. ఆ చిత్రం ఈ నెల 14న ప్రేక్షకుల ముందుకొస్తోంది. ఈ సందర్భంగా అంజలి మీడియాతో ముచ్చటించింది. ఈ సందర్బంగా ఆమె చెప్పిన విషయం ఇది.

    అలాగే..బాలకృష్ణ ...ఎప్పుడూ నవ్వుతూ, నవ్విస్తూ సరదాగా గడుపుతుంటారాయన. హీరోయిన్స్, సహనటుల దగ్గరే కాదు... లైట్‌బాయ్‌ వరకు అందరితోనూ అదే కలుపుగోలుతనం. ఆయన దగ్గర చాలా విషయాలు నేర్చుకొన్నా. నటనకు సంబంధించి కొన్ని సలహాలు ఇచ్చారు.

    Anjali about Balakrishna anger

    ఇక డబ్బింగ్‌ చెప్పేటప్పుడు నా నటనని చూసి ‘చాలా బాగా చేశావు' అని మెచ్చుకోవడం ఇంకా ఆనందాన్నిచ్చింది. ‘డిక్టేటర్‌' ఒక కొత్త రకమైన సినిమా. ఇదివరకటి బాలకృష్ణగారి సినిమాలకంటే భిన్నంగా ఉంటుంది. నా పాత్ర కోసం ఐదున్నర కిలోలు తగ్గా.

    ఇంతకుముందు ‘లెజెండ్‌', ‘లయన్‌' చిత్రాల్లో బాలకృష్ణగారి సరసన నటించే అవకాశం వచ్చినా, కాల్షీట్ల సమస్య వల్ల చేయలేకపోయా. ఈసారి మాత్రం వదల్లేదు అని చెప్పింది. ఈ చిత్రంపై ఆమె చాలా అంచనాలు పెట్టుకుంది.

    English summary
    Anjali said that she is very happy to work with Balakrishna in dictator movie.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X