మహేశ్‌బాబు సినిమా పేరు ఇదేనా? తెరపైకి కొత్త టైటిల్!

తెరపైకి స్పైడర్

తాజాగా ఈ చిత్రానికి స్పైడర్ అనే పేరు దాదాపు ఖరారు చేసినట్టు సోషల్ మీడియాలో ప్రచారం జరుగుతున్నది. దానికి సంబంధించిన పోస్టర్ కూడా డిజైన్ చేశారు. అయితే ఆ పోస్టర్ చిత్ర నిర్వాహకులు చేశారా లేక ఫ్యాన్ మేడ్ పోస్టర్ అనే విషయంపై క్లారిటీ లేదు.

వియత్నాంలో 22 నుంచి..

ఈ చిత్రానికి సంబంధించిన షూటింగ్ మార్చి 22వ తేదీ నుంచి వియత్నాంలో చేయనున్నట్టు సమాచారం. వియత్నాంకు వెళ్లడానికి ముందు చెన్నైలో మార్చి 11 నుంచి చిన్న షెడ్యూల్ ఒకటి ప్లాన్ చేసినట్టు తెలుస్తున్నది. ఇటీవల హైదరాబాద్‌లోని అన్నపూర్ణ స్టూడియోలో ఓ షెడ్యూల్‌ను కంప్లీట్ చేశారు.

వచ్చే నెల టైటిల్, ఫస్ట్ లుక్

మహేశ్ బాబు కెరీర్‌లో 23వ చిత్రమైన ఈ సినిమాకు సంబంధించిన టైటిల్‌ను, ఫస్ట్ లుక్‌ను వచ్చే నెల ఆవిష్కరించే అవకాశమున్నట్టు తెలుస్తున్నది. ఈ చిత్రంలో రుకుల్ ప్రీత్ సింగ్ హీరోయిన్‌ కాగా, ప్రముఖ దర్శకుడు ఎస్‌జే సూర్య ప్రతి నాయకుడిగా నటిస్తున్నారు.

ఇంటెలిజెన్స్ ఆఫీసర్‌గా..

ప్రతిష్ఠాత్మకంగా రూపొందుతున్న ఈ చిత్రంలో మహేశ్ బాబు ఇంటెలిజెన్స్ ఆఫీసర్‌గా నటిస్తున్నారు. ఈ చిత్రంలో భరత్ ఓ ప్రధాన పాత్ర పోషిస్తున్నాడు. ఈ చిత్రం ద్వారా ప్రముఖ కెమెరామెన్, దర్శకుడు సంతోష్ శివన్ తొలిసారి తెలుగులోకి ప్రవేశిస్తున్నారు. తుపాకి చిత్రం తర్వాత ఏఆర్ మురుగదాస్‌తో సంతోష్ శివన్ చేస్తున్న రెండో సినిమా ఇది. ఎడిటర్‌గా శ్రీకర్ ప్రసాద్ బాధ్యతలను నిర్వహిస్తున్నారు.