'అరుంధతి' హిందీ రీమేక్ డైరక్టర్ ఖరారు

ఎట్టకేలకు 'అరుంధతి' చిత్రం త్వరలో హిందిలో రీమేక్ కాబోతోంది. ఈ చిత్రాన్ని ప్రముఖ బాలీవుడ్ దర్సకుడు అనురాగ బసు తెరకెక్కించనున్నారు. అనురాగ బసు గతంలో గ్యాంగస్టర్, లైఫ్ ఇన్ మెట్రో, కైట్స్ చిత్రాలు డైరక్ట్ చేసి పేరు తెచ్చుకున్నారు. ఇక ఈ చిత్రాన్ని త్రీడీలో తీయాలని ప్లాన్ చేస్తున్నట్లు సమాచారం. జెమినీ ఫిల్మ్ సర్క్యూట్ వారు ఈ చిత్రాన్ని భారీ రేటు ఇచ్చి సొంతం చేసుకున్నారు. అలాగే ఈ చిత్రం రైట్స్ కోసం బోనీకపూర్ చివరి వరకూ పోటీపడ్డారు. ఇక ఈ చిత్రం తమిళ, తెలుగు, మళయాళ భాషల్లో విజయం సాధించటం పరిగణనలోకి తీసుకునే జెమినీ వారు ఈ చిత్రాన్ని హిందీలో ప్లాన్ చేస్తున్నారు.

త్రీడిలో అయితే మరింత హారర్ గా మారి నేషనల్ వైడ్ గా మంచి పేరు, డబ్బు తెస్తుందని ఆశించి కొన్నామని చెప్తున్నారు. ఇక ఈ విషయమై శ్యామ్ ప్రసాద్ రెడ్డి మాట్లాడుతూ...ఈ చిత్రం హిందీలో కూడా పెద్ద విజయం సాధిస్తుందని, తెలుగు చిత్రాన్ని బీట్ అవుట్ చేస్తుందని భావిస్తున్నానని చెప్పారు. ఇక ఈ చిత్రం సాంకేతిక నిపుణులు, ఆర్టిస్టులు ఎంపిక ఇంకా పూర్తికాలేదు. అనూష్క, సోనూసూద్ కూడా వారి స్టార్ కాస్టింగ్ లెక్కల్లో ఉన్నారు. ఇక ఇప్పటికే అనూష్క ప్లేసులో అసిన్, ఐశ్వర్య రాయ్, విధ్యాబాలన్ పేర్లు వినిపించాయి.