‘అరవింద సమేత’ ఫస్ట్ రివ్యూ వచ్చేసింది... రేటింగ్ 4/5

అరవింద సమేత 4/5 రేటింగ్

అరవింద సమేత బ్లాక్ బస్టర్ బొమ్మ అని తేల్చేసిన ఉమైర్ సంధు... ఏకంగా 4/5 రేటింగ్ ఇచ్చాడు. దీన్ని బట్టి సినిమా భారీ బ్లాక్ బస్టర్ ఖాయం అనే నమ్మకం అభిమానుల్లో మరింత ఎక్కువైంది. ఉమైర్ సంధు సినిమాలోని మేజర్ పాయింట్స్ గురించి చెప్పిన వివరాలు క్రింది విధంగా ఉన్నాయి.

ఎన్టీఆర్ లుక్, క్యారెక్టరైజేషన్ మేజర్ హైలెట్

ఈ సినిమాలో మేజర్ హైలెట్ ఎన్టీఆర్ లుక్, క్యారెక్టరైజేషన్ అని, యంగ్ టైగర్ స్క్రీన్ ప్రజెన్స్ సినిమా చూస్తున్న వారిలో మరింత ఆసక్తి పెంచుతుందని ఉమైర్ సంధు తెలిపారు. ముఖ్యంగా క్లైమాక్స్‌లో క్యారెక్టర్‌ను బ్యాలెన్స్ చేసిన తీరు అద్భుతంగా ఉందన్నారు. ఎన్టీఆర్ బాడీ లాంగ్వేజ్, డైలాగ్ మాడ్యులేషన్ పీక్స్ అనేలా ఉంటుందని తెలిపారు.

త్రివిక్రమ్ అదరగొట్టాడు

మాటల మాంత్రికుడిగా పేరు తెచ్చుకున్న త్రివిక్రమ్ ఇందులో మరోసారి అద్భుతమైన డైలాగులతో ప్రేక్షకులను మెప్పించాడని, అతడు రాసిన డైలాగులు ప్రేక్షకుల మీద చాలా ఇంపాక్ట్ చూపే విధంగా ఉన్నాయని ఉమైర్ సంధు తెలిపారు.

స్క్రీన్ ప్లే అదిరిపోయింది

త్రివిక్రమ్ సినిమాను నడిపించిన తీరు ది బెస్ట్ అనేలా ఉంది. స్క్రీన్ ప్లే అద్భుతంగా ఉంది. ఎన్టీఆర్ నుండి తనకు కావాల్సిన పెర్ఫార్మెన్స్ రాబట్టుకున్నాడు. పూజా హెగ్డే కూడా చాలా బాగా చేసిందని ఉమైర్ సంధు తెలిపారు.

ఈ దసరాకు పర్ఫెక్ట్ గిఫ్ట్

‘అరవింద సమేత' అభిమానులకు ఒక పండగలా ఉంటుంది. ఎన్టీఆర్ స్టైలిష్ లుక్, మాస్ స్టోరీ, హై ఆక్టేన్ యాక్షన్, రాకింగ్ మ్యూజిక్, సూపర్ స్ట్రాంగ్ క్యారెక్టరైజేషన్ సినిమాకు మేజర్ హైలెట్స్. ఈ దసరాకు పర్ఫెక్ట్ గిఫ్ట్ అంటూ ఉమైర్ సంధు పొగడ్తలు గుప్పించారు.

ఉమైర్ సంధు రివ్యూను నమ్మడం కష్టమే

అయితే ఉమైర్ సంధు రివ్యూల విషయంలో చాలా మంది అప నమ్మకంగా ఉన్నారు. త్రివిక్రమ్ గత చిత్రం ‘అజ్ఞాతవాసి' విషయంలో కూడా ఇలాగే 4/5 రేటింగ్ ఇచ్చి బ్లాక్ బస్టర్ సినిమా అంటూ పొగిడేశాడు. కానీ ఆ సినిమా బాక్సాఫీసు వద్ద ఎలాంటి ఫలితాలు రాబట్టిందో ప్రత్యేకంగా చెప్పక్కర్లేదు.