Don't Miss!
- Sports ధోనీ ట్రేడ్మార్క్ సిక్సర్..101 మీటర్ల దూరం Video
- News కోనసీమ జిల్లాలో జనసేన ఖాళీ.. మరో నేత రాజీనామా
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
క్రేజీ కాంబో కదా: నితిన్ కు విలన్ గా అప్పటి యాక్షన్ హీరో
నితిన్, హను రాఘవపూడి కాంబినేషన్ లో రూపొందుతున్న చిత్రంలో విలన్ గా అర్జున్ నటిస్తున్నారు.
హైదరాబాద్: కొన్ని కాంబినేషన్స్ వినగానే చాలా ఆసక్తిగా అనిపిస్తాయి. అలాంటి కాంబోని సెట్ చేసిన వాళ్లను శభాష్ అని మెచ్చుకోవాలనిపిస్తుంది. త్రివిక్రమ్ తో చేసిన'అ..ఆ..' సూపర్ హిట్ తర్వాత ఆ స్థాయికి తగ్గ సినిమాయే చేయాలన్న ఆలోచనతో నితిన్, చాలా గ్యాప్ తీసుకొని హను రాఘవపూడి సినిమా మొదలుపెట్టారు. ఈ చిత్రంలో విలన్ గా ఎంపిక చేసిన నటుడుని గురించి తెలుసుకుంటే సూపర్ అంటాం.
పూర్తి వివరాల్లోకి వెళితే...నితిన్, మేఘ ఆకాష్ జంటగా ఓ చిత్రం తెరకెక్కుతోంది. హను రాఘవపూడి దర్శకుడు. రామ్ ఆచంట, గోపీచంద్ ఆచంట, అనిల్ సుంకర నిర్మాతలు. అర్జున్ విలన్ గా నటిస్తున్నారు. తెలుగు, తమిళ భాషల్లో ఒకప్పుడు స్టార్గా వెలుగొందిన అర్జున్ ఈ చిత్రంలో చేస్తూండటంతో ప్రాజెక్టుకు మంచి క్రేజ్ వస్తోంది. నితిన్-అర్జున్ల మధ్యన వచ్చే సన్నివేశాలు చాలా కొత్తగా ఉంటాయని చెప్తున్నారు.
దర్శకుడు మాట్లాడుతూ ''నితిన్ ఇందులో పాతబస్తీ కుర్రాడిగా కనిపిస్తారు. అమెరికా నేపథ్యంలో సాగే ఈ కథలో అర్జున్ విలన్ గా నటిస్తున్నారు. ఆయన పాత్ర స్టైలిష్గా ఉంటుంది. అర్జున్ తప్ప మరెవ్వరూ చేయలేని పాత్ర ఇది''అన్నారు.
అర్జున్ మాట్లాడుతూ ''నటుడిగా తృప్తినిచ్చే పాత్రని ఇందులో చేస్తున్నా. 'ఒకే ఒక్కడు', 'జెంటిల్మేన్' స్థాయిలో గుర్తింపు తెచ్చే పాత్ర ఇది. దీని కోసం కసరత్తులు మొదలుపెట్టాన''అన్నారు.
గోపీచంద్ ఆచంట మాట్లాడుతూ ''ఈ నెల 6న హైదరాబాద్లో చిత్రీకరణ మొదలుపెట్టాం. మార్చి, ఏప్రిల్, మే నెలల్లో శాన్ఫ్రాన్సిస్కో, షికాగో తదితర ప్రాంతాల్లో కీలక సన్నివేశాల్ని తెరకెక్కిస్తామ''అన్నారు.