పస్తులున్న రోజులున్నాయ్: "అర్జున్‌రెడ్డి" షాలినీ చేదు అనుభవాలు

షాలినీపాండే

'అర్జున్ రెడ్డి' హీరోయిన్ షాలినీపాండే ఈ సినిమా చేయకముందు అనుభవించిన వ్యక్తిగత జీవితంపై సోషల్ మీడియాలో వస్తున్న పలు కథనాలు ఆసక్తిరేపుతున్నాయి. చదువుకునే రోజుల్లోనుండే సినిమా రంగంలోకి రావాలని కలలుకన్న ఈమె థియేటర్ ఆర్ట్స్‌లో శిక్షణ కూడా పొందిందట.

చాలా కష్టాలు అనుభవించిందట

కానీ సినిమాల్లోకి రావడానికి తండ్రి విభేదించడంతో ఇంట్లోనుండి పారిపోయి చాలా కష్టాలు అనుభవించిందట. షాలినీ తండ్రి ఆమెను ఇంటికి తీసుకురావడానికి ప్రయత్నిస్తుంటే ఓ దశలో తండ్రిపై పోలీస్ కేసు పెట్టడానికి కూడా సిద్ధపడిందట షాలినీ. దీంతో ఇక ఎప్పుడుకూడా ఇంటి గడప తొక్కొదని తండ్రి వార్నింగ్ ఇవ్వడంతో ఓ చిన్న గదిలో ఉంటూ దుర్భరజీవితం గడిపిందని సమాచారం.

పస్తులుండటం

డబ్బులు తక్కువగా ఉండటంతో ఒక్కోసారి పస్తులుండటం, ఎంత దూరమైనా నడుచుకుంటూ వెళ్లి రావడం లాంటి కష్టాలెన్నో ఎదుర్కొందట. 'అర్జున్ రెడ్డి' సినిమా ఆఫర్ వచ్చాక సినిమా షూటింగ్ ప్రారంభానికి కొన్నిరోజుల సమయం ఉండటంతో చేతిలో చిల్లిగవ్వ లేక ఆ గదిలోనే ఉంటూ నరకం అనుభవించిందట షాలినీ.

తొలి ప్రయత్నంలోనే

ఎలాగోలా కష్టాలనుదాటి కొందరు స్నేహితుల సహకారంతో 'అర్జున్ రెడ్డి' సినిమాలో అవకాశం సంపాదించిన ఈమె తొలి ప్రయత్నంలోనే తనను విమర్శించిన వారితోనే ప్రశంసలు అందుకుంటుండటం విశేషం. మధ్య ప్రదేశ్ రాష్ట్రానికి చెందిన షాలిని పాండే పేరు ప్రస్తుతం తెలుగు ప్రేక్షకుల నోళ్ళలో నానుతోంది.