Don't Miss!
- News స్కాట్లాండ్లో ట్రెక్కింగ్ కోసం వెళ్లి ఇద్దరు తెలుగు విద్యార్థులు మృతి
- Technology Lava ProWatch లావా ప్రోవాచ్ డిజైన్, ధర వివరాలు లీక్.. ఫంక్షన్ కీ సహా కీలక హెల్త్ ట్రాకర్లు..!!
- Sports ముక్కలవుతున్న ముంబై.. హార్దిక్ను విమర్శిస్తూ నబీ పోస్ట్
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
‘అర్జున్ రెడ్డి’... కాపీ కొట్టి తీశారా? దర్శక నిర్మాతలకు నోటీసులు
‘అర్జున్ రెడ్డి’ మూవీ కాపీ వివాదంలో ఇరుక్కుంది. ఈ చిత్ర కథ తనదే అంటూ నాగారాజు ఆరోపిస్తున్నారు.
Recommended Video
ఓ వైపు సూపర్ హిట్ టాక్, బ్లాక్ బస్టర్, ట్రెండ్ సెట్టర్ అనే ప్రశంసలు...... మరో వైపు ఈ సినిమా యువతను చెడగొట్టే విధంగా ఉంది, బూతులున్నాయి, సినిమాను నిలిపి వేయాలంటూ విమర్శలు. ఇదీ తాజాగా బాక్సాఫీసు వద్ద సూపర్ కెలక్షన్లతో దూసుకెలుతున్న 'అర్జున్ రెడ్డి' మూవీ పరిస్థితి.
తాజాగా ఈ చిత్రం కాపీ వివాదంలో ఇరుక్కుంది. ఈ చిత్ర కథ తనదేనంటూ ఖమ్మంకు చెందిన దర్శకుడు డి.నాగరాజు ఆరోపించారు. ఈ మేరకు ఆయన దర్శక నిర్మాతలకు నోటీసులు పంపారు. తనకు నష్టపరిహారం ఇవ్వాలంటూ డిమాండ్ చేస్తున్నాడు.
డి. నాగరాజు ఎవరు?
తెలుగు సినీ పరిశ్రమకు చెందిన డి.నాగరాజు అనే దర్శకుడు గతంలో 'ఇక సె..లవ్' అనే సినిమాను తెరకెక్కించారు. ఈ సినిమా ఆధారంగానే ‘అర్జున్ రెడ్డి' సినిమా తీశారని ఆయన ఆరోపిస్తున్నారు.
నష్టపరిహారం ఇవ్వాల్సిందే
తన కథను వాడుకున్నందుకుగాను తనకు నష్టపరిహారం ఇవ్వాల్సిందే అని, పరిహారంగా రూ. 2 కోట్లు చెల్లించాలని నాగరాజు డిమాండ్ చేస్తున్నారు.
న్యాయం జరిగే వరకు
ఈ కథ కాపీ కొట్టిన విషయమై ఇప్పటికే దర్శక నిర్మాతలకు తాను నోటీసులు పంపానని, తనకు న్యాయం జరిగే వరకు పోరాడుతూనే ఉంటానని డి. నాగరాజు స్పష్టం చేశారు.
ఇదీ సందీప్ రెడ్డి వెర్షన్
అయితే ‘అర్జున్ రెడ్డి' సినిమా దర్శకుడు మాత్రం ఈ సినిమా కథను తన వ్యక్తిగత అనుభవాల ఆధారంగా తయారుచేసుకున్నానని ముందు నుండీ చెప్పుకుంటూ వస్తున్నాడు. మరి ఈ కాపీ వివాదం ఎలాంటి మలుపులు తిరుగుతుందో చూడాలి.