‘అర్జున్ రెడ్డి’... కాపీ కొట్టి తీశారా? దర్శక నిర్మాతలకు నోటీసులు

డి. నాగరాజు ఎవరు?

తెలుగు సినీ పరిశ్రమకు చెందిన డి.నాగరాజు అనే దర్శకుడు గతంలో 'ఇక సె..లవ్' అనే సినిమాను తెరకెక్కించారు. ఈ సినిమా ఆధారంగానే ‘అర్జున్ రెడ్డి' సినిమా తీశారని ఆయన ఆరోపిస్తున్నారు.

నష్టపరిహారం ఇవ్వాల్సిందే

తన కథను వాడుకున్నందుకుగాను తనకు నష్టపరిహారం ఇవ్వాల్సిందే అని, పరిహారంగా రూ. 2 కోట్లు చెల్లించాలని నాగరాజు డిమాండ్ చేస్తున్నారు.

న్యాయం జరిగే వరకు

ఈ కథ కాపీ కొట్టిన విషయమై ఇప్పటికే దర్శక నిర్మాతలకు తాను నోటీసులు పంపానని, తనకు న్యాయం జరిగే వరకు పోరాడుతూనే ఉంటానని డి. నాగరాజు స్పష్టం చేశారు.

ఇదీ సందీప్ రెడ్డి వెర్షన్

అయితే ‘అర్జున్ రెడ్డి' సినిమా దర్శకుడు మాత్రం ఈ సినిమా కథను తన వ్యక్తిగత అనుభవాల ఆధారంగా తయారుచేసుకున్నానని ముందు నుండీ చెప్పుకుంటూ వస్తున్నాడు. మరి ఈ కాపీ వివాదం ఎలాంటి మలుపులు తిరుగుతుందో చూడాలి.