మగధీరను దాటడంలో బాహుబలి ఫెయిల్ (రేటింగ్స్ లిస్ట్)

By Bojja Kumar

Updated: Thursday, October 29, 2015, 13:17 [IST]

హైదరాబాద్: రాజమౌళి దర్శకత్వంలో వచ్చిన ‘బాహుబలి' సినిమా తెలుగు సినిమా రికార్డులన్నింటి బద్దలు కొట్టింది. ఇప్పటి వరకు హయ్యెస్ట్ బడ్జెట్ తో తెరకెక్కిన సినిమాగానే కాకుండా, వంద కోట్ల మార్కును సునాయాసంగా అధిగమించి అత్యధిక వసూళ్లు సాధించిన తెలుగు సినిమాగా చరిత్ర సృష్టించింది.

అన్ని రికార్డులు బద్దలు కొట్టిన బాహుబలి మూవీ ఓ విషయంలో మాత్రం చతికిల పడింది. బుల్లితెరపై టీఆర్పీ రేటింగుల విషయంలో ‘బాహుబలి' ఇంకా మగధీర కంటే వెనకే ఉంది. ఇటీవల మా టీవీలో బాహుబలి సినిమా వేసారు. ఈ సినిమా ఇప్పటి వరకు ఉనప్న తెలుగు టీఆర్పీ రేటింగులన్నింటికీ బద్దలు కొడుతుందని అనుకున్నారు.

ఈ రోజు విడుదలైన టామ్ రిపోర్ట్స్ ప్రకారం...బాహుబలి సినిమా టీవీలో ప్రసారం అయిన వారంలో హయ్యెస్ట్ 21.84 టీఆర్పీ రేటింగ్ సాధించింది. అయితే మగధీర సినిమా టీఆర్పీ రేటింగును మాత్రం ఇది అధిగమించ లేక పోయింది. టీఆర్పీ రేటింగుల విషయంలో మగధరీ సినిమా ఇప్పటి వరకు రెండో స్థానంలో ఉంది. బాహుబలి ఆ తర్వాతి మూడో స్థానంతో సరిపెట్టుకుంది.

82 సంవత్సరాల తెలుగు సినిమా చరిత్రలో రికార్డులన్నీ బద్దలు కొట్టిన బాహుబలి..... ఈ ఒక్క విషయంలో మాత్రం సత్తా చాటలేక పోయింది. దసర సందర్భంగా బాహుబలితో పాటు పండగ చేస్కో, గోపాల గోపాల, గంగ తదితర సినిమాలు టీవీల్లో వేసారు. వీటికి వరుసగా 11.55, 9.35, 8.27 రేటింగ్ వచ్చింది.

ఇప్పటి వరకు తెలుగు టెలివిజన్ చరిత్రలో నాగార్జున నటించిన ‘శ్రీరామదాసు' చిత్రం 24 రేటింగుతో టాపులో ఉంది. తెలుగులో టాప్ 10 టీఆర్పీ రేటింగులు సాధించిన సినిమాల వివరాలు స్లైడ్ షోలో...