»   »  'బాహుబలి' మరో ప్రత్యేకత ఇది

'బాహుబలి' మరో ప్రత్యేకత ఇది

Posted By:
Subscribe to Filmibeat Telugu
 Baahubali
హైదరాబాద్: ప్రముఖ దర్శకుడు రాజమౌళి తెరకెక్కిస్తున్న 'బాహుబలి' ప్రత్యేకతల్లో మరోటి వచ్చి చేరింది. న్యూఢిల్లీలో జరుగుతున్న ప్రఖ్యాత 'కామిక్‌కాన్‌' సమ్మేళనంలో ఈ సినిమా కూడా పాల్గొంటోంది. సినిమా ప్రేమికులు, కామిక్‌ ఆర్టిస్టులు, ప్రచురణ సంస్థలు, బొమ్మల తయారీ సంస్థల ప్రతినిధులు భాగస్వాములుగా ఉండే కార్యక్రమమిది. ప్రచురణ సంస్థలకు, డిజిటల్‌ మీడియా ప్రతినిధులకు వారధిగా పని చేసే కార్యక్రమమిది. ఆదివారం వరకు జరగనున్న ఈ కార్యక్రమంలో 'బాహుబలి' మోషన్‌ పోస్టర్‌ని ప్రదర్శిస్తారు.

ఇక ఈ చిత్రం కథ మహాభారతాన్ని పోలి ఉండబోతుందని, అన్నదమ్ముల మధ్య జరిగే అధికారం కోసం జరిగే పోరు చుట్టూ సినిమా తిరగనుంది. తమిళంలో దీనిని 'మహాబలి'గా ఏకకాలంలో విడుదల చేసేందుకు సన్నాహాలు చేస్తున్నారు. ఇటీవలే ట్రైలర్‌ - మేకింగ్‌ వీడియోను విడుదల చేశారు. తొలి రోజు నుంచే విశేష స్పందన లభించింది. ఈ చిత్రం కోసం అక్కడ వారు సైతం చాలా ఆసక్తిగా ఎదురుచూస్తున్నారు. అక్కడ కూడా రికార్డ్ స్ధాయిలో వ్యూస్ వచ్చాయి. బిజినెస్ పరంగా కూడా తమిళనాట ఓ రేంజిలో క్రేజ్ వస్తుందని అక్కడ ట్రేడ్ లో అంచనాలు మొదలయ్యాయి.


ప్రభాస్‌, రానా, అనుష్క ప్రధాన పాత్రల్లో నటిస్తున్న ఈ చిత్రాన్ని శోభు యార్లగడ్డ, ప్రసాద్‌ దేవినేని నిర్మిస్తున్నారు. కె.రాఘవేంద్రరావు సమర్పకులు. తెలుగు, తమిళ భాషల్లో తెరకెక్కిస్తున్నారు. అనంతరం ఇతర భాషల్లో అనువదించి ఒకేసారి విడుదల చేస్తారు. ప్రస్తుతం హైదరాబాద్ రామోజీ ఫిల్మ్ సిటీలో చిత్రీకరణ జరుగుతోంది. ఈ సినిమాకోసం ఇప్పటికే ప్రధాన తారాగణమంతా కత్తి యుద్ధాలు, గుర్రపుస్వారీ నేర్చుకుని,విశ్వరూపం ప్రదర్శశిస్తోంది.

English summary

 ‘Baahubali’ is going to be featured in the popular Comic Con event in New Delhi. The event is quite popular among movie lovers and young adults. Comic artists, publishing companies and toy manufacturers gather in big numbers at the event. The Baahubali team will be showcasing a Motion Print poster over the next three days. The film is currently being shot in Ramoji Film City, where Rajamouli and his team are picturising a mammoth war sequence on the lead actors.
Please Wait while comments are loading...