Don't Miss!
- News నామినేషన్ల పర్వంలో టీడీపీకి ఊహించని షాక్
- Sports SRH vs RCB: కొంపముంచిన విరాట్ కోహ్లీ జిడ్డు బ్యాటింగ్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సైమాలో బాహుబలి కేక.. అవార్డుల పంటపండించిన రాజమౌళి
ప్రపంచవ్యాప్తంగా బాహుబలి ది కన్క్లూజన్ సృష్టించిన కలెక్షన్ల సునామీ అంతా ఇంతా కాదు. దర్శకుడు రాజమౌళి ధాటికి బాలీవుడ్ రికార్డులు చెల్లాచెదురైపోయాయి. విదేశీ గడ్డపై కూడా భారీ వసూళ్లను సాధించింది. అలాంటి ఘనతను సాధించిన బాహుబలి2 చిత్రం తాజాగా జరిగిన సైమా అవార్డుల్లో విజయ కేతనం ఎగురవేసింది. పలు విభాగాల్లో అవార్డులను గెలుచుకోవడంతో బాహుబలి టీమ్ మరోసారి ఆనందంలో మునిగిపోయింది. ఏ విభాగాల్లో అవార్డులు వచ్చాయంటే..
Recommended Video
సైమాలో బాహుబలి హవా
సైమా అవార్డుల్లో ఉత్తమ తెలుగు చిత్రంగా బాహుబలి ది కన్క్లూజన్ ఎంపికైంది. ఆ అవార్డును నిర్మాత శోభూ యార్లగడ్డ అందుకొన్నారు. అలాగే ఉత్తమ దర్శకుడిగా బాహుబలి చిత్రానికి ఎస్ఎస్ రాజమౌళి అవార్డును గెలుచుకొన్నారు.
ఉత్తమ నటుడిగా ప్రభాస్
ఉత్తమ నటుడిగా బాహుబలి చిత్రంలో నటించిన యంగ్ రెబల్ స్టార్ ప్రభాస్ ఎంపికయ్యారు. ఉత్తమ విలన్గా బాహుబలిలో నటించిన రానా దగ్గుబాటి అవార్డును సొంతం చేసుకొన్నారు. ప్రభాస్, తనకు వచ్చిన అవార్డును కూడా రానానే తీసుకోవడం గమనార్హం.
ఉత్తమ నటిగా కాజల్
నేనే రాజు నేనే మంత్రి చిత్రంలో నటించిన కాజల్ అగర్వాల్ ఉత్తమ నటిగా ఎంపికైంది. గౌతమి పుత్ర శాతకర్ణి చిత్రాన్ని నిర్మించిన రాజీవ్ రెడ్డి ఉత్తమ నిర్మాతగా ఎంపికయ్యారు. క్రిటిక్స్ విభాగంలో గౌతమి పుత్ర శాతకర్ణి ఉత్తమ చిత్రంగా ఎంపికైంది. క్రిటిక్స్ విభాగంలో గౌతమి పుత్ర శాతకర్ణి చిత్ర శాతకర్ణికి ఉత్తమ నటుడి అవార్డును నందమూరి బాలకృష్ణ అందుకొన్నారు.
ఉత్తమంగా సందీప్, భూమిక చావ్లా
ఉత్తమ సహాయనటిగా భూమిక చావ్లా (ఎంసీఏ), ఉత్తమ తొలి చిత్ర నటుడిగా రోగ్ చిత్రానికి ఇషాన్ అందుకొన్నారు. ఉత్తమ తొలి చిత్ర హీరోయిన్గా కల్యాణి ప్రియదర్శిని హలో చిత్రానికి అందుకొన్నారు. ఉత్తమ హాస్యనటుడిగా రాహుల్ రామకృష్ణ (అర్జున్ రెడ్డి), ఉత్తమ తొలి చిత్ర దర్శకుడిగా సందీప్ రెడ్డి వంగా, ఉత్తమ సంగీతదర్శకుడిగా కీరవాణి (బాహుబలి) ఎంపికయ్యారు. ఇంకా పలు విభాగాల్లో బాహుబలికి అవార్డులు లభించాయి.