Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
బాహుబలి: బెంగళూరు పైరసీ భూతంపై పోలీసుల నిఘా
బెంగళూరు: బాహుబలి సినిమా పైరసిని అడ్డుకోవడానికి రంగం సిద్దం అయ్యింది. భారతదేశంతో పాటు ప్రపంచ వ్యాప్తంగా బాహుబలి సినిమా విడుదల అయ్యింది. ఈ సినిమాను గుట్టు చప్పుడు కాకుండ పైరసి సీడీలు తయారు చేసి సరఫరా చెయ్యడానికి పలువురు ప్రయత్నిస్తున్నారు.
దేశవ్యాప్తంగా పైరసి సీడీలు తయారు చేసి సరఫరా చెయ్యడంలో బెంగళూరు నగరం ముందు వరసలో ఉంటుదని చెప్పడానికి ఎలాంటి సందేహం లేదు. కొన్ని రోజుల క్రితం బాహుబలి దర్శకుడు ఎస్ఎస్ రాజమౌళి, ఆ సినిమా నిర్మాతలు బెంగళూరు పోలీసులను సంప్రదించారు.
బాహుబలి పైరసిని అరికట్టడానికి సహకరించాలని బెంగళూరు నగర పోలీసులకు మనవి చేశారు. బెంగళూరు పోలీసులు ఇప్పటికే కొందరిని అదుపులోకి తీసుకున్నారు. పైరసి సీడీలకు కేంద్ర బిందువు అయిన ఎస్ పీ రోడ్డులో శుక్రవారం సీసీబీ పోలీసులు మఫ్టీలో పలు షాప్ లకు వెళ్లారు.
బాహుబలి సీడీలు ఉన్నాయా అని ఆరా తీసి పరిశీలించారు. బెంగళూరులో ఏ సినిమా అయినా మొదటి షో అయిన వెంటనే కొన్ని గంటల లోనే పైరసీ సీడీలు బయటకు వస్తాయి. దేశంలోని అనేక ప్రాంతాలకు ఇక్కడి నుండే పైరసీ సీడీలు సరఫరా చేస్తారు. అంతటి హై టెక్నాలజీ సమకూర్చుకున్న పైరసి మాఫియాపై బెంగళూరు పోలీసులు గట్టి నిఘా వేశారు.