»   » 'చంద్రముఖి'తో 'లకలకలక' కు సిద్ధంమవుతున్న బాలయ్య..??

'చంద్రముఖి'తో 'లకలకలక' కు సిద్ధంమవుతున్న బాలయ్య..??

Subscribe to Filmibeat Telugu

'చంద్రముఖి' సినిమా సీక్వెల్ గా వచ్చిన కన్నడ చిత్రం ఆప్తరక్షక సూపర్ హిట్ అవ్వడమే కాకుండా కన్నడ ఇండస్ట్రీలో మునుపెన్నడూ లేనంతగా రికార్డు స్థాయి వసూళ్లను రాబడుతోంది. దీంతో ఈ సినిమా మీద అటు తమిళ ఇండస్ట్రీలో, ఇటు తెలుగు ఇండస్ట్రీలో ఆశక్తి నెలకొంది. తమిళంలో, తెలుగులో రజనీకాంత్ ను హీరోగా నటింపజేసి ఈ సినిమాను తీయాలని దర్శకుడు పి వాసు భావించిన రజనీ అందుకు సుముఖంగా లేడని వినికిడి. దీంతో ఈ సినిమాను తెలుగులో మెగాస్టార్ చిరంజీవి చెయ్యనున్నడనే వార్త వినిపించింది. కానీ ఇప్పట్లో సినిమాలు చేసే ఆలోచన లేదని చిరు స్పష్టం చెయ్యడంతో ఇక ఈ సినిమాలో ఏ హీరో నటిస్తాడోనన్న సందేహం నెలకొంది.

ఈ విషయమై తాజాగా ఫిల్మ్ నగర్ సమాచారం ఏంటంటే ఈ సినిమాలో యువరత్న బాలకృష్ణ నటించనున్నాడట. ఈ సినిమా హక్కులను బాలయ్య వీరాభిమాని బెల్లంకొండ సురేష్ కొనడంతో పాటు బాలయ్య ఇంతకు ముందు పి వాసుతో మహారథి అనే సినిమాలో నటించివుండటంతో ఆ చనువుతో వీరిద్దరూ ఈ సినిమాలో బాలకృష్ణను నటింపజేయాలని ప్రయత్నాలు చేస్తున్నారట. బాలయ్య అయితేనే ఇలాంటి పాత్రలకు న్యాయం చెయ్యగలుగుతాడని వారు అభిప్రాయపడుతున్నారట. ఇక బాలయ్య కూడా ఫ్యాక్షన్, యాక్షన్ నేపథ్యాన్ని వదిలి విభిన్నమైన సినిమాలు చెయ్యాలనే యోచనలో వుండటంతో ఖచ్చితంగా ఈ సినిమాలో నటించేందుకు అవకాశాలు వున్నట్టు సమాచారం. ఇక ప్రస్తుతం బాలయ్య సింహా సినిమా షూటింగ్ తో బిజీగా వున్నాడు.

Please Wait while comments are loading...