వావ్...! బాలయ్య న్యూలుక్ కేక పుట్టిస్తోంది : గౌతమీపుత్ర స్టిల్స్ చూస్తే షాక్ తింటారంతే

క్రిష్ దర్శకత్వంలో 'గౌతమీపుత్ర శాతకర్ణి' చిత్రం తెరకెక్కుతోంది అన్న సంగతి తెలిసిందే మొరాకో .. జార్జియా .. హైదరాబాద్ లలో కీలకమైన సన్నివేశాలను చిత్రీకరించారు.

క్రిష్ వివాహం సందర్భంగా ఈ సినిమా షూటింగుకి కొంతకాలం పాటు విరామాన్ని ప్రకటించిన సంగతి తెలిసిందే. ఇక ఈ సినిమా తాజా షెడ్యూల్ కి మధ్యప్రదేశ్ లో రంగాన్ని సిద్ధం చేశారు. ఈ రోజు నుంచి ఈ సినిమా షూటింగ్ అక్కడ జరగనుంది.

ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరించనున్నారు. బాలకృష్ణ తల్లిపాత్రలో హేమమాలిని .. భార్య పాత్రలో శ్రియ కనిపించనున్నారు.

బాలకృష్ణ 100వ సినిమాగా చారిత్రక నేపథ్యంతో రూపొందుతోన్న ఈ సినిమాపై, అభిమానులందరిలోను ఆసక్తి పెరుగుతోంది.

'గౌతమీపుత్ర శాతకర్ణి' కొత్త షెడ్యూల్‌కు సంబంధించి నెట్లో హల్‌ చల్‌ చేస్తున్న ఫొటోల్లో బాలయ్య చాలా భిన్నంగా కనిపిస్తున్నాడు. నెత్తిన చిత్రమైన టోపీ పెట్టుకుని.. భారీ వస్త్రాలంకరణతో నడిచొస్తున్నాడు బాలయ్య .

వెనుక శ్రియ.. హేమమాలిని కూడా కనిపిస్తున్నారు. ఇందులో హేమమాలిని బాలయ్య తల్లిగా నటిస్తుంటే.. శ్రియ భార్య పాత్ర పోషిస్తున్న సంగతి తెలిసిందే. వాళ్లిద్దరి గెటప్స్‌ కూడా ఆకర్షణీయంగా ఉన్నాయి. తాజా షెడ్యూల్లో నది నేపథ్యంలో వచ్చే సన్నివేశాలు తీస్తున్నాడు క్రిష్‌.

ఇప్పటికే 60 శాతం దాకా షూటింగ్‌ పూర్తి చేసిన క్రిష్‌.. రాబోయే రెండు నెలల్లో టాకీ పార్ట్‌ మొత్తం ఫినిష్‌ చేయాలని చూస్తున్నాడు. వచ్చే ఏడాది సంక్రాంతికి పక్కాగా ఈ సినిమాను రిలీజ్‌ చేయాలన్నది దర్శక నిర్మాత క్రిష్‌ ప్లాన్‌.

ఇప్పటికే సినిమాకు సంబంధించి అత్యంత శ్రమతో కూడుకున్న యుద్ధ సన్నివేశాలు.. యాక్షన్‌ పార్ట్‌ అంతా అయిపోయింది. బాలయ్యకిది వందో సినిమా. దాదాపు రూ.70 కోట్ల బడ్జెట్‌తో అత్యంత ప్రతిష్టాత్మకంగా తెరకెక్కిస్తున్నారు.

ఇక పని వత్తిడి కారణంగా ఈ సినిమా నుంచి దేవిశ్రీ ప్రసాద్ తప్పుకున్నాడు. దాంతో క్రిష్ 'కంచె' సినిమాకి సంగీతాన్ని అందించిన 'చిరంతన్ భట్'నే ఎంపిక చేసుకున్నాడు.

ఈ నేపథ్యంలో ఈ సినిమా శాటిలైట్ రైట్స్ కి కూడా భారీ డిమాండ్ ఏర్పడింది. ఈ సినిమా శాటిలైట్ హక్కులను సొంతం చేసుకోవడానికి టీవీ చానల్స్ వారు పోటీపడ్డారు. దాంతో భారీ మొత్తం .. అంటే, 9 కోట్లు చెల్లించి శాటిలైట్ రైట్స్ ను 'మా టీవీ'వారు దక్కించుకున్నారు.

శాటిలైట్ రైట్స్ పేరుతో 'లెజెండ్' సినిమా 7.5 కోట్లు రాబడితే, 'శాతకర్ణి' 9 కోట్లు వసూలు చేశాడు. బాలకృష్ణ కెరియర్లోనే ఇది రికార్డు స్థాయి రేటు అని చెప్పుకుంటున్నారు.