జై సింహా ఆడియో: చంపడం నీతరం కాదురా. పై వాడి ప్రాబ్లం.. లెక్కంత పైనే.. బాలయ్య

నాన్నగారు.. జయసింహ పేరుతో

నాన్నగారు తీసిన జయసింహ పేరుతో సినిమా చేశారు. నాన్నగారి స్పూర్తి ఇప్పుడు జై సింహ అనే చిత్రాన్ని చేస్తున్నాను. ఈ చిత్రంలో అన్ని రకాల అంశాలు ఉంటాయి

అద్భుతమైన సాహిత్యం

చిరంతన్ భట్ జై సింహ చిత్రానికి మంచి సంగీతం అందించారు. భాస్కర భట్ల నాకు మరోసారి అద్భుతమైన సాహిత్యాన్ని సమకూర్చారు అని బాలయ్య అన్నారు.

నారా లోకేష్ నాకు అల్లుడు కావడం

తొలిసారి మంత్రిగా నా పాటల వేడుకకు నారా లోకేష్ ఇక్కడకు వచ్చాడు. యువకుడు, నేటి రాజకీయాలపై మంచి అవగాహన ఉంది. ఇంతమంచి అల్లుడు దొరకడం నాకు గర్వంగా ఉంది. నాన్న దారిలో నడుస్తూ రాష్ట్రాన్ని ముందుకు తీసుకుపోవడానికి లోకేష్ కూడా కష్టపడుతున్నాడు.

కేఎస్‌కు నేను ఫ్యాన్‌ను

నేను దర్శకుడు కేఎస్ రవికుమార్‌కు మంచి ఫ్యాన్‌ను. ఎనిమిదేళ్ల నుంచి ఆయనతో పనిచేయాలని అనుకొంటున్నాను. చివరకు అమ్మవారి దయ, పానకాల నరసింహస్వామి దయవల్ల ఆయనతో పనిచేసే అవకాశం కలిగింది.

ఇండస్ట్రీ అభివృద్దికి

రాజధాని నిర్మాణంలో తలమునకలై ఉన్న సీఎం చంద్రబాబు తెలుగు సినీ పరిశ్రమ అభివృద్ధికి కృషి చేస్తున్నారు. పరిశ్రమ అభివృద్ధికి చక్కటి ప్రణాళికలు ఏర్పాటు చేస్తున్నారు.

10న రిలీజ్

జనవరి 10న జై సింహ చిత్రం రిలీజ్ కాబోతున్నది. కనకదుర్గమ్మ ఆశీస్సులతో ఈ చిత్రం మంచి విజయం సాధిస్తుంది. ఈ ఆడియో ఆవిష్కరణను విజయం చేసిన ప్రతీ ఒక్కరికి ధన్యవాదాలు.

చివర్లో పవర్‌పుల్ డైలాగ్స్

చివరగా బాలయ్య మాట్లాడుతూ.. నన్ను చంపడం నీ తరం కాదురా.. అది పై వాడి ప్రాబ్లం. ఎవరిని ఉంచాలో ఎవరిని చంపాలో లెక్క అక్కడ ఉంటుంది. నీ కొడుకు నుదుటి మీద పదవి రాత లేదు. పెళ్లి గీత లేదు. ఆయుష్షులు రేఖ లేదు. అక్కడ డిజైన్ చేసిన ఫిగర్.. నీ పొగరుతో రాత మారదు బే ఇలాంటి ఏన్నో డైలాగ్స్ మిమ్మల్ని అలరిస్తాయి అని అన్నారు.

నీకు కొట్టడం మాత్రమే తెలుసు

నీకు కొట్టడం మాత్రమే తెలుసు. నాకు పడటం తెలుసు. లేవడం తెలుసు. లేపడం తెలుసు. లేపేయడం తెలుసు. నీ తొక్కలో రౌడీయిజం అంటూ పవర్ డైలాగ్‌ను వేదికపై బాలకృష్ణ కొట్టి అభిమానులను పిచ్చెక్కించారు.