DHAMKI: స్టేజ్‌పై బాలయ్య డబుల్ మీనింగ్ డైలాగ్స్.. కార్‌లో అలాంటివి చేయకు.. F అంటూ షాకింగ్‌గా!

ధమ్కీ ఇచ్చేందుకు వస్తోన్న విశ్వక్

మాస్ కా దాస్ విశ్వక్ సేన్ హీరోగా నటించడంతో పాటు దర్శకత్వం వహించిన సినిమానే 'ధమ్కీ'. ఇందులో నివేదా పేతురాజ్ హీరోయిన్‌గా నటించింది. వన్మయి క్రియేషన్స్, విశ్వక్ సేన్ సినిమాస్ బ్యానర్లపై కరాటే రాజు నిర్మించిన ఈ సినిమాకు లియాన్ జేమ్స్ ఈ చిత్రానికి సంగీతం అందించారు. ఇందులో రావు రమేష్, తరుణ్ భాస్కర్ తదితరులు కీలక పాత్రలు చేశారు.

ఘనంగా ట్రైలర్ లాంచ్ ఈవెంట్

టాలీవుడ్ యంగ్ హీరో విశ్వక్ సేన్ స్వీయ దర్శకత్వంలో రాబోతున్న 'ధమ్కీ' మూవీ ట్రైలర్ లాంచ్ ఈవెంట్‌ను శుక్రవారం హైదరాబాద్‌లోని ఏఎంబీ సినిమాస్‌ ఆడిటోరియంలో నిర్వహించారు. దీనికి నటసింహా నందమూరి బాలకృష్ణ ముఖ్య అతిథిగా విచ్చేశారు. ముందుగా ఆయన ఈ సినిమా ట్రైలర్ 1.0ను విడుదల చేశారు. ఈ వేడుక ఎంతో గ్రాండ్‌గా జరిగింది.

బాలయ్య మాస్ స్పీచ్.. మేనరిజం

విశ్వక్ సేన్ నటించిన 'ధమ్కీ' మూవీ ట్రైలర్ లాంచ్ ఈవెంట్‌లో ముఖ్య అతిథిగా విచ్చేసిన నటసింహా నందమూరి బాలకృష్ణ మేనరిజం, స్పీచ్ ఆకట్టుకున్నారు. అంతేకాదు, హోస్ట్ మైక్ అందించగానే బాలయ్య దాన్ని గాల్లోకి విసిరేసి క్యాచ్ పట్టుకున్నారు. ఆ తర్వాత అదే ఉత్సాహాన్ని చూపిస్తూ మాట్లాడారు. అలాగే, సరస్వతీ దేవి శ్లోకం చెప్పి మరీ స్పీను మొదలు పెట్టారు.

అరే బయ్.. నీ ఇంట్లో నా ఇంజిను

విశ్వక్ సేన్ నటించి, తెరకెక్కించిన 'ధమ్కీ' మూవీ ట్రైలర్ లాంచ్ ఈవెంట్‌లో బాలయ్య మాట్లాడుతూ.. 'అరే బయ్.. మొత్తం నువ్వే మాట్లాడేసినవ్ కదా.. నేనేం మాట్లాడను' అంటూ విశ్వక్ సేన్‌కు పంచ్ ఇచ్చారు. ఆ తర్వాత స్పీచ్ కంటిన్యూ చేస్తూ ట్రైలర్‌లోని 'నీ ఇంట్లో నా ఇంజిను' అనే డైలాగ్‌ను చెప్పారు. దీంతో ఆడిటోరియం అంతా అరుపులతో రీసౌండ్ వచ్చేసింది.

మైక్‌ పని చేయదేమో అనుకున్నా

బాలయ్య మాట్లాడుతూ.. 'తమ్మి విశ్వక్ సేన్ వాళ్ల నాన్న మాట్లాడినప్పుడు ఆయన ఎత్తుకోవడమే ధమ్కీ లాగ ఎత్తిండు. తర్వాత మైకులు పనిచేయవేమో, నేను మాట్లాడలేనేమో అనుకున్నా. ఆయనకు విశ్వక్‌ సినిమా హీరో అవుతాడని ముందే తెలుసేమో. నాలాగే ఏమైనా ఉంగరాలు పెట్టుకున్నాడా ఏంటి' అంటూ ఫన్నీగా మాట్లాడుతూ ఉంగరాల గురించి ఓ స్టోరీ చెప్పుకొచ్చారు.

విశ్వక్‌ గురించి చెప్పిన బాలయ్య

ఈ ఫంక్షన్‌లో బాలయ్య 'సినిమా అంటే విశ్వక్‌కు చాలా ప్యాషన్. ఈ సినిమా చూస్తే అది తెలుస్తుంది. ఎన్నో ఒడిదుడుకులు దాటి ఈ సినిమాను అద్భుతంగా తెరకెక్కించాడు. తెలుగు ప్రేక్షకులు మంచి సినిమాను ఎప్పుడూ ఆదరిస్తారు. ఫలక్‌నుమా దాస్, అశోకవనంలో అర్జున కళ్యాణం, ఓరి దేవుడా ఇలా వైవిధ్యమైన సినిమాలతో అలరించి ఇప్పుడు 'ధమ్కీ'తో వస్తున్నాడు' అన్నారు.

విశ్వక్‌పై బాలయ్య ప్రశంసల జల్లు

బాలయ్య కొనసాగిస్తూ.. 'ఈ సినిమాకు నటనతో పాటు దర్శకత్వం, నిర్మాణం చేయడం కూడా చాలా అరుదైన విషయం. విశ్వక్ సేన్ అన్నీ తానై, తన టీంకి స్ఫూర్తిని ఇచ్చాడు. ఇలాంటి సినిమాలు చూస్తున్నపుడు నన్ను నేను ఊహించుకుంటాను. ఇలాంటివి నేను చూస్తే మీరు చూడరు కదా. 'ధమ్కీ' థియేటర్‌లో చూడాల్సిన సినిమా. దర్శకుడిగా అద్భుతంగా తీశాడు విశ్వక్. టీం అందరికీ నా అభినందనలు. అందరూ థియేటర్‌లో సినిమా చూసి ఎంజాయ్ చేయాలి. సక్సెస్ మీట్‌కు కూడా నేనే రావాలి' అని చెప్పారు.

బాలయ్య డబుల్ మీనింగ్ డైలాగ్స్

విశ్వక్ సేన్ 'ధమ్కీ' ట్రైలర్ ఈవెంట్‌లో బాలయ్య నోట వచ్చిన డబుల్ మీనింగ్ డైలాగులు అరుపులు పుట్టించాయి. ముందుగా ఆయన 'కొన్ని కార్లలో లేవు. పెట్టుకోము. గెట్ అవుట్ ఆఫ్ మై కార్ అందిగా.. జాగ్రత్తమ్మా' అంటూ ట్రైలర్‌లోని డైలాగ్‌ను గుర్తు చేశారు. అంతేకాదు, ఈ కార్యక్రమంలో F పదాలను కూడా వాడారు. దీంతో అక్కడున్న వాళ్లంతా ఉర్రూతలూగిపోయారు.