హోమ్

న్యూస్

బాలకృష్ణ శ్రీరాముడుగా, నయనతార సీతాదేవిగా ప్రముఖ దర్శకుడు బాపు దర్శకత్వంలో రూపొందుతున్న పౌరాణిక చిత్రం 'శ్రీరామరాజ్యం' షూటింగ్ ప్రస్తుతం హైదరాబాదులో జరుగుతోంది. ప్రధాన తారాగణమంతా పాల్గొనే సన్నివేశాలను ప్రస్తుతం చిత్రీకరిస్తున్నారు. అక్కినేని నాగేశ్వరరావు వాల్మికిగా నటిస్తున్నారు. కాగా శ్రీరాముడి పాత్ర పోషణ కోసం బాలకృష్ణ, లక్ష్మణుడి పాత్ర పోషణ కోసం శ్రీకాంత్ మీసాలు కూడా తొలగించుకున్నారు.

ఇదిలా ఉంచితే, యలమంచిలి సాయిబాబా నిర్మిస్తున్న ఈ చిత్రాన్ని బాలకృష్ణ పుట్టిన రోజైన జూన్ 10 న రిలీజ్ చేయాలని మొదట్లో భావించారు. అందుకు అనుగుణంగా నిర్మాణ కార్యక్రమాలను ప్లాన్ చేసుకున్నారు. అయితే, ఇటీవల జరిగిన కార్మికుల సమ్మె కారణంగా షూటింగుకి చాలా అంతరాయం కలిగింది. ఎంత వేగంగా షూటింగ్ జరిపినా ఇక ఇప్పుడు ఆ రోజుకి రిలీజ్ చేయడం సాద్యం కాదనీ, ఇక ఆగష్టులో రిలీజ్ ఉంటుందనీ తెలుస్తోంది.