»   »  చిరు హైదరాబాద్ లో చిందేస్తే...చరణ్ చెన్నైలో

చిరు హైదరాబాద్ లో చిందేస్తే...చరణ్ చెన్నైలో

Posted By:
Subscribe to Filmibeat Telugu
Ram Charan Teja
రామ్‌చరణ్‌ కథానాయకుడిగా ఎస్‌.ఎస్‌.రాజమౌళి దర్శకత్వంలో రూపొందుతున్న చిత్రం లో బంగారు కోడిపెట్ట పాట రీమిక్స్ చేస్తున్నారనే సంగతి తెలిసిందే. ఈ పాటను గురువారం నుంచి చెన్నైలో చిత్రీకరించనున్నట్లు విశ్వసనీయ సమాచారం. రామ్ చరణ్ తండ్రి చిరంజీవి కూడా ఈ పాటలో కనిపిస్తారు. అయితే ఆయనకి సంబంధించిన చిత్రీకరణ హైదరాబాద్ లో పూర్తయింది. మిగిలిన పాటను వైజాగ్ షిప్ యార్డ్ లో గతంలో ఘరానా మొగుడులో పాట చేసిన చోట ప్లాన్ చేసారు. కానీ కుదురలేదు.

దాంతో చెన్నై లోని షిప్ యార్డ్ లో ఈ పాటను చిత్రీకరిస్తున్నారు. ఇక గతంలో చిరంజీవి నటించిన 'ఘరానా మొగుడు' చిత్రంలోని బంగారు కోడిపెట్ట... పాటకు రీమిక్స్‌ ఇది. ఈ పాటలో రామ్‌చరణ్‌తో కలిసి ముమైత్‌ ఖాన్‌ ఆడిపాడనుంది. ఘరానా మొగుడులో డిస్కోశాంతి ఈ పాటకు డాన్స్ చేసింది. ఈ పాటకు ప్రేమ్‌రక్షిత్‌ నృత్యరీతుల్ని సమకూరుస్తున్నారు. విశేషం ఏమిటంటే.. కీరవాణినే ఈ రెండు పాటలకు ట్యూన్స్ సమకూర్చటం జరిగింది.

ఇక పునర్జన్మల నేపథ్యం ఉన్న ఈ కథను గీతా ఆర్ట్స్‌ సంస్థ ఈ సినిమాను నిర్మిస్తోంది. కాజల్‌ హీరోయిన్ కాగా శ్రీహరి ప్రధాన పాత్రధారి. ధీరుడు అని వర్కింగ్ టైటిల్ గా అనుకుంటున్న ఈ చిత్రానికి ఇంకా టైటిల్‌ని ఖరారు చేయలేదు. ఈ చిత్రానికి కథ: విజయేంద్రప్రసాద్‌, మాటలు: ఎం.రత్నం, స్త్టెలింగ్‌: రమారాజమౌళి, కెమెరా: సెంథిల్‌, సంగీతం: ఎం.ఎం.కీరవాణి, నిర్మాత: అల్లు అరవింద్‌.

 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

X