twitter
    For Quick Alerts
    ALLOW NOTIFICATIONS  
    For Daily Alerts

    నవ్వులడాన్ బ్రహ్మీకి సన్మానం

    By Bojja Kumar
    |

    Dr.Brahmanandam
    హైదరాబాద్ : సర్వేపల్లి రాధకృష్ణన్ పుట్టినరోజు సందర్భంగా ఉపాధ్యాయ దినోత్సవాన్ని పురస్కరించుకుని సెప్టెంబర్ 5న ప్రముఖ హాస్యనటుడు డా.బ్రహ్మానందంని పైమా కళాంజలి మరియు నాగార్జున డిగ్రీ, పీజీ కాలేజీల ఆధ్వర్యంలో సత్యసాయి నిగమాగమంలో భారీ ఎత్తున సత్కరించారు. ఈ కార్యక్రమానికి పిరమిడ్ స్పిరిచ్యువల్ సొసైటీస్ వ్యవస్థాపకులు బ్రహ్మర్షి సుభాష్ పత్రీజీ, ఎమ్మెల్సీ రుద్రరాజు పద్మరాజు, సంగీత దర్శకుడు ఆర్పీ పట్నాయక్, గుండు హనుమంతరావు, అనంత్, టీవీ కళాకారుడు రాఘవ ఇంకా పలువురు పాల్గొన్నారు.

    నాగార్జున కాలేజీ చైర్మన్ బి. సుధాకర్ ఆధ్వర్యంలో ఈ సన్మాన కార్యక్రమం జరిగింది. బ్రహ్మశ్రీ పత్రీజీ స్వాగతోపన్యాసం అనంతరం ఎమ్మెల్సీ రుద్రరాజు పద్మరాజు మాట్లాడుతూ సర్వేపల్లి రాధాకృష్ణన్ జన్మదినం సందర్భంగా మనందరం కొనియాడే హాస్యనటులు బ్రహ్మానందంని సత్కరించుకోవడం చాలా ఆనందంగా ఉందన్నారు. అనంతరం పద్మశ్రీ డా. బ్రహ్మానందంని పత్రీజీ పట్టుశాలువా కప్పి సత్కరించగా కాలేజీ చైర్మన్ బి. సుధాకర్ పూలమాల వేసి అభినందించారు. అనంతరం సన్మానపత్రాన్ని చదివి ఆయనకు అందించారు. ఈ సందర్భంగా విచ్చేసిన అతిథులు అందరూ డా. బ్రహ్మానందంకి పుష్పమాలలు వేసి తమ ఆనందాన్ని ప్రకటించారు. ఈ సందర్భంలో ఆర్పీ పట్నాయక్, కమెడియన్ రాఘవులు బ్రహ్మానందం గురించి ప్రసంగించారు.

    అనంతరం బ్రహ్మానందం మాట్లాడుతూ...పూర్వాశ్రమంలో నేను లెక్చరర్ ని కాబట్టి నాకు టీచర్స్ డే సందర్భంగా ఈ అవకాశం లభించినందుకు చాలా ఆనందంగా ఉంది. ఇక నన్ను నలుగురి మధ్య ఉన్నప్పుడు ఎవరైనా సరే మాస్టారూ బ్రహ్మానందం అని పిలిస్తే ఆ మాటలో తెలియని పులకింత నాకు కలుగుతుంది. ఎంతో తృప్తిని..సంతోషాన్ని కలిగిస్తుంది. ఎందుకంటే ముందుగా నా జీవితం అధ్యాపకుడుగా ప్రారంభమై అనంతరం కళాకారుడిగా అయ్యాను. నవ్వించడమనేది అసమాన్యమైన సంగతి. భగవంతుని అనుగ్రహం కలిగిన నాకు నలుగుర్నీ నవ్వించే నటుడిగా అవకాశం కలిగింది. ప్రజలందరూ నన్ను ఆశీర్వదిస్తున్నందుకు ఎంతో ఆనందంగా ఉంది. నాగార్జున డిగ్రీ కళాశాల వారు టీచర్స్ డే సందర్బంగా నన్ను సత్కరించినందుకు ఎంతో ఆనందంగా ఉంది' అన్నారు.

    English summary
    Veteran comedy genius Dr.Brahmanandam has been felicitated yesterday on the occasion of Teachers Day by Pyma Kalanjali and Nagarjuna Degree College. The ceremony was held at Sathya Sai Nigamagamam. The event was attended by celebrities like R.P.Patnaik, Gundu Hanumanthu Rao, MLC Rudra Raju etc.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X