రిటైర్మెంట్ రూమర్స్‌పై బ్రహ్మానందం షాకింగ్ రియాక్షన్.. కావాలనే ఇలా చేస్తున్నారు!

సమయం సరిపోదు..

సోషల్ మీడియా రూమర్స్ రావాడం కామన్ గా మారిపోయింది. ప్రతి విషయంపై స్పందిస్తే.. సమయం సరిపోదని అప్పట్లోనే ఒక స్టేట్మెంట్ ఇచ్చారు ఈ సీనియర్ కమెడియన్. బ్రహ్మానందం గత కొంత కాలంగా వెండితెరకు చాలా దూరంగానే ఉంటున్నాడు. రెగ్యులర్ పాత్రలు బోర్ కొట్టేయడంతో కొన్ని సినిమాలను కూడా రిజెక్ట్ చేశాడని టాక్ వచ్చింది.

ఇంత గ్యాప్ ఇవ్వలేదు..

గత ఏడాది వరకు కొంత బిజీగా ఉన్న బ్రహ్మానందం ఈ సంవత్సరం అల..వైకుంఠపురములో మాత్రమే గెస్ట్ అప్పిరియన్స్ తో సతిపెట్టుకోవాల్సి వచ్చింది. రాములో రాములో సాంగ్ లో కేవలం ఒక స్టెప్పుతో కనిపించి వెళ్లిపోయిన విషయం తెలిసిందే. 1000కి పైగా సినిమాలు చేసిన బ్రహ్మానందం ఈ స్థాయిలో వెండితెరకు ఎప్పుడు గ్యాప్ ఇవ్వలేదు. ఇక ఫైనల్ గా ఆయన కెరీర్ పై వస్తున్న రూమర్స్ గురించి స్పందించారు.

బ్రహ్మానందం స్పందిస్తూ..

తనపై ఎవరో కావాలనే పుట్టించిన వార్తలు అనిపిస్తోంది. ఈ నిమిషం వరకు వస్తున్న వార్తల్లో అయితే ఎలాంటి నిజం లేదు. చాలా మంది నాకు ఫోన్ చేసి సినిమాలు మానేసి సీరియల్స్ లోకి వస్తున్నారంటగా అంటూ ఫోన్ చేశారు. ఆ విషయం నాకు చాలా ఆశ్చర్యం కలిగించింది. నేను చెప్పని మాటలను కూడా ఈ విధంగా ప్రచారం చేయడం ఎలా సాధ్యం అవుతుందో నాకు అర్థం కావడం లేదు.

ఖురాన్ చదువుతున్నా..

నా దగ్గరి వాళ్ళు ఫోన్లు చేసి అడుగుతుంటే సమాధానం చెప్పలేకపోతున్నాను. ఇక ఈ లాక్ డౌక్ లో కాలు బయటపెట్టకుండా ఇంట్లోనే ఉంటున్నాను. దాదాపు మూడు నెలల నుంచి బయటకు వెళ్లడం లేదు. మరికొన్ని రోజుల పాటు ఇంట్లోనే ఉంటే బెటర్. పుస్తకాలతోనే సమయాన్ని గడిపేస్తున్నా. ఖురాన్ వంటి పుస్తకాలు చదివి మంచి విషయాల గురించి తెలుసుకుంటున్నాను. మనవడితో కూడా ఆడుకుంటున్నట్లు బ్రహ్మానందం వివరణ ఇచ్చాడు.