పుంగి భజాయించిన చార్మి, అఖిల్ వీరబాదుడు (ఫోటోలు)

By Bojja Kumar

Updated: Monday, February 3, 2014, 14:03 [IST]

దుబాయ్‌లో ఇటీవల ప్రారంభమైన సినీ తారల క్రికెట్ టోర్నీ 'సెలబ్రిటీ క్రికెట్ లీగ్‌-4' ఫుల్ జోష్‌తో సందడి సందడిగా సాగుతోంది. తెలుగు వారియర్స్, ముంబై హీరోస్ మధ్య శనివారం జరిగిన మ్యాచ్‌లో విజయం సాధించిన తెలుగు వారియర్స్.....ఈ టోర్నీలో బోణి కొట్టి పాయింట్ల ఖాతాను తెరిచింది.

టాస్ గెలిచిన తెలుగు వారియర్స్ తొలుత ఫీల్డింగ్ ఎంచుకున్నారు. దీంతో బ్యాటింగుకు దిగిన సునీల్ శెట్టి నేతృత్వంలోని ముంబై హీరోస్ జట్టు నిర్ణీత 20 ఓవర్లలో 8 వికెట్ల నష్టానికి 127 పరుగులు చేసింది. తెలుగు వారియర్స్ బౌలర్ద ధాటికి ఓపెనర్లతో పాటు మొదటి అరడజను మంది బ్యాట్స్‌మెన్స్ పెద్దగా పరుగులేమీ చేయకుండా చేతులెత్తేసారు. అయితే దర్శకుడు అపూర్వ లఖియా 30 బంతుల్లో 69 పరుగులు చేసి జట్టును గట్టెక్కించాడు. తెలుగు బౌలర్లు రఘు 3, నందకిషోర్ 3, సచిన్ జోషి 2 వికెట్లు తీసారు.

128 పరుగుల లక్ష్యంతో బరిలోకి దిగిన తెలుగు వారియర్స్ 4 వికెట్ల నష్టానికి 18 ఓవర్లలోనే టార్గెట్ చేధించింది. ఓపెనర్లు ప్రిన్స్ 25, సుధీర్ బాబు 16 పరుగులు చేయగా, ఆ తర్వాత క్రీజులోకి వచ్చిన రఘు పరుగులేమీ చేయకుండా రనౌట్ అయ్యాడు. సచిన్ జోషి 22, ఆదర్శ్ 33, అఖిల్ 28 పరుగులతో రాణించారు. స్లైడ్‌షోలో మ్యాచుకు సంబంధించి పోటోలు, వివరాలు....