సిసిఎల్-5 విజేత టాలీవుడ్, హీరోయిన్ల సందడి (ఫోటోస్)

By Bojja Kumar

Updated: Monday, February 2, 2015, 16:46 [IST]

హైదరాబాద్: గత నాలుగు సీజన్లలో సిసిఎల్(సెలబ్రిటీ క్రికెట్ లీగ్) ట్రోపీని గెలుపొందడంలో విఫలమైన తెలుగు వారియర్స్.....ఈ సారి మాత్రం సత్తా చాటారు. హైదరాబాద్ లోని ఉప్పల్ ఇంటర్నేషనల్ క్రికెట్ స్టేడియంలో చెన్నై రైనోస్‌తో జరిగిన ఫైనల్ మ్యాచ్ లో తెలుగు వారియర్స్ సూపర్ పెర్ఫార్మెన్స్‌తో సిసిఎల్-5 టోర్నీ విజేతగా అవతరించారు.

తెలుగు వారియర్స్ జట్టు 7 వికెట్ల తేడాతో చెన్నై రైనోస్ పై విజయం సాదించింది. టాస్ గెలిచి ఫీల్డింగ్ ఎంచుకున్న తెలుగు వారియర్స్ టీం మొదటి నుంచి చెన్నై రైనోస్ బ్యాట్స్ మెన్స్ ని కట్టడి చేస్తూ, టఫ్ బౌలింగ్ తో వరుసగా వికెట్లు తీస్తూ ఎక్కువ పరుగులు చేయనీకుండా చేసింది. దీంతో రైనోస్ 20 ఓవర్లలో ఐదు వికెట్ల నష్టానికి 132 పరుగులు చేసింది. ఆ తర్వాత 133 పరుగుల విజయ లక్ష్యంతో బరిలోకి దిగిన తెలుగు వారియర్స్ 18.1 ఓవర్లలో కేవలం 3 వికెట్ల నష్టంతో లక్ష్యాన్ని చేదించింది. ఇక చివర్లో తెలుగు వారియర్స్ కెప్టెన్ అక్కినేని అఖిల్ మెరపులు మెరిపించడంతో విజయం సునాయాసం అయ్యింది.

ప్రొపెషనల్ క్రికెట్ ప్లేయర్లకు ఏమాత్రం తీసి పోకుండా పలువురు స్టార్స్ ఆట అదరగొట్టారు. మొదటి నుంచి దూకుడుగా వ్యవహరిస్తూ వరుస విజయాలను అందుకుంటూ వచ్చిన తెలుగు వారియర్స్ టీం అందరూ ఊహించినట్లే ట్రోపీని సొంతం చేసుకుంది. మ్యాచ్ సందర్భంగా పలువురు స్టార్స్ సందడి చేసారు. అందుకు సంబంధించిన ఫోటోలు స్లైడ్ షోలో....

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు