విజయోత్సాహం: చీర్ గర్ల్స్‌తో వెంకీ చిందులు (సిసిఎల్-6 ఫోటోస్)

By Bojja Kumar

Published: Monday, February 15, 2016, 16:41 [IST]

హైదరాబాద్: సెలెబ్రిటీ క్రికెట్‌ లీగ్‌ (సిసిఎల్) సీజన్ 6లో టాలీవుడ్ వారియర్స్ మరోసారి తమ సత్తా చాటారు. డిపెండింగ్‌ ఛాంపియన్‌ అయిన తెలుగు వారియర్స్‌ ఫైనల్లో రెండోసారి విజేతగా నిలిచి చరిత్ర సృష్టించారు. కర్నాటక బుల్డోర్స్ జట్టుతో ఉప్పల్‌లో జరిగిన ఫైనల్‌ మ్యాచ్‌లో 208 పరుగుల భారీ లక్ష్య ఛేదనకు దిగిన అఖిల్‌ అక్కినేని సారథ్యంలోని తెలుగు వారియర్స్‌ జట్టు ఒక వికెట్‌ మాత్రమే కోల్పోయి 17.4 ఓవర్లలో 211 పరుగులతో లక్ష్యాన్ని ఛేదించింది.

ఓపెనర్లు సచిన్‌ జోషి (114: 49 బంతుల్లో), ప్రిన్స్‌ (61 నాటౌట్‌: 43 బంతుల్లో) తొలి వికెట్‌కు రికార్డు స్థాయిలో 171 పరుగుల భాగస్వామ్యం నెలకొల్పి విజయానికి బాటలు వేశారు. చివర్లో సచిన్‌ జోషి ఔటైనా.. కెప్టెన్‌ అఖిల్‌ అక్కినేని 25 పరుగులతో ధాటిగా ఆడి గెలుపు లాంఛనాన్ని బౌండరీతో పూర్తి చేసాడు.

ఫైనల్ మ్యాచ్ సందర్భంగా స్టేడియం మొత్తం అభిమానులతో కిటకిటలాడింది. మ్యాచ్ చూసేందుకు టాలీవుడ్ స్టార్స్ వెంకటేశ్‌, నాగార్జున, రానా, రెజీనా, అదా శర్మ, తాప్సీ, రకుల్‌ ప్రీత్‌సింగ్‌ తదితరులు హాజరయ్యారు. తెలంగాణ మంత్రి కెటీఆర్ కూడా హాజరై స్టార్స్ తో కలిసి సందడి చేసారు.

తెలుగు వారియర్స్ జట్టు విజయం సాధించగానే వెంకీ అండ్ టీం మైదానంలో సందడి చేసారు. చీర్స్ గర్ల్స్ తో డాన్స్ చేస్తూ హల్ చల్ చేసారు. అభిమానుల కేరింతల, స్టార్స్ సందడితో ఉప్పల్ స్టేడియంలో పండగ వాతావరణం నెలకొంది. స్లైడ్ షోలో అందుకు సంబంధించిన ఫోటోస్...