ఆ హీరోలు భార్యల కంటే వయసులో చిన్న (ఫోటో ఫీచర్)

By Bojja Kumar

Published: Monday, May 19, 2014, 18:11 [IST]

హైదరాబాద్: ఆ సినిమా స్టార్స్ అంతా ప్రేమించి పెళ్లి చేసుకున్నారు. వారి ప్రేమకు, పెళ్లికి కులం, మతం మాత్రమే కాదు....వయసు తేడా అడ్డు రాలేదు. ఒక్కటయ్యారు...అన్యోన్యంగా జీవనం సాగిస్తున్నారు. ఉత్తమ జంటలుగా పేరు తెచ్చుకున్నారు. ఈ కాలంలో ఇలాంటి వివాహాలు సర్వసాధారణం అయ్యాయి.

సెలబ్రిటీ ప్రపంచంలో కుల, మత, ప్రాంత రహితమైన పెళ్లిళ్లు మాత్రమే కాదు.....వయసు తేడా ఉన్న వివాహాలు కూడా సర్వసధారణ అయిపోయాయి. భారత క్రికెట్ ప్రపంచం ఆరాధించే సచిన్ టెండూలర్కర్ కూడా తనకంటే వయసులో పెద్దైన అంజలిని వివాహమాడి సంగతి తెలిసిందే.

సినిమా రంగంలో తమకంటే వయసు ఎక్కువగా ఉన్న భామలను పెళ్లాడిన స్టార్స్ గురించిన వివరాలు స్లైడ్ షోలో.....

సునీల్ దత్, నర్గీస్

పాతతరం బాలీవుడ్ స్టార్ సునీల్ దత్ తనకంటే వయసులో సంవత్సరం పెద్దయిన తన కోస్టార్ నర్గీస్‌ను ప్రేమించి పెళ్లాడారు. మదర్ ఇండియా సినిమా సమయంలో తనను అగ్నిప్రమాదం నుడి కాపాడిన సునీల్ దత్ పై నర్గీస్ మనసు పారేసుకుంది. అలా ఇద్దరి మధ్య ప్రేమ మొదలైంది.

రాజ్ కుంద్రా, శిల్పా శెట్టి

బాలీవుడ్ బ్యూటీ శిల్పా శెట్టి తనకంటే మూడు నెలలు చిన్నవాడైన రాజ్ కుంద్రాను ప్రేమించి పెళ్లాడింది. నవంబర్ 22, 2009లో వీరి వివాహం జరిగింది.

ఫర్హాన్ అక్తర్, అధునా భబాని

బాలీవుడ్ నటుడు, దర్శకుడు ఫర్హాన్ అక్తర్ తనకంటే ఏకంగా ఆరేళ్ల వయసు ఎక్కువ గల అధునా భబానిని పెళ్లాడారు. వీరు అన్యోన్యంగా జీవనం సాగిస్తున్నారు. వీరికి ఇద్దరు కూతుర్లు.