హిట్ కోసం స్టార్ రైటర్ సాయిమాధవ్ మళ్లీ.. డిఫరెంట్‌గా

‘కిట్టు ఉన్నాడు జాగ్ర‌త్త‌'కు సెన్సార్ పూర్తి

యంగ్ హీరో రాజ్‌త‌రుణ్ హీరోగా ఏ టీవీ స‌మ‌ర్ప‌ణ‌లో ప్ర‌ముఖ నిర్మాణ సంస్థ ఎ.కె.ఎంట‌ర్‌టైన్మెంట్ ఇండియా ప్రైవేట్ లిమిటెడ్ బ్యాన‌ర్‌పై `దొంగాట` ఫేమ్ వంశీ కృష్ణ ద‌ర్శ‌క‌త్వంలో రామ‌బ్ర‌హ్మం సుంక‌ర నిర్మాత‌గా రూపొందుతోన్న చిత్రం `కిట్టు ఉన్నాడు జాగ్ర‌త్త‌`. ఈ చిత్రం సెన్సార్ కార్య‌క్ర‌మాల‌ను పూర్తి చేసుకుంది.

మార్చి 3న గ్రాండ్‌గా విడుదల

నిర్మాత రామ‌బ్ర‌హ్మం సుంక‌ర మాట్లాడుతూ - ``2016లో హిట్ అయిన చిత్రాల్లో ‘ఈడోర‌కం-ఆడోర‌కం' త‌ర్వాత ఎ.కె.ఎంట‌ర్‌టైన్మెంట్స్ బ్యాన‌ర్‌లో రాజ్‌త‌రుణ్ న‌టిస్తున్న మ‌రో చిత్రం ‘కిట్టు ఉన్నాడు జాగ్ర‌త్త‌'. హిలేరియస్ ఎంట‌ర్‌టైన‌ర్‌గా రూపొందిన ఈ చిత్రం సెన్సార్ కార్య‌క్ర‌మాల‌ను పూర్తి చేసుకుని యు/ఎ స‌ర్టిఫికేట్‌ను పొందింది. సినిమాను ప్ర‌పంచ వ్యాప్తంగా మార్చి 3న గ్రాండ్ లెవ‌ల్లో విడుద‌ల చేస్తున్నాం.

డిఫరెంట్ పాత్రలో హీరో రాజ్ తరుణ్

హీరో రాజ్ త‌రుణ్ ఇప్ప‌టి వ‌ర‌కు చేయ‌ని డిఫ‌రెంట్ పాత్ర‌లో న‌టించాడు. అనేక మ‌లుపుల‌తో, థ్రిల్లింగ్ ఎలిమెంట్స్‌తో ఉన్న ఈ సినిమా ట్రైల‌ర్‌తో పాటు పాట‌ల‌ను కూడా రిలీజ్ చేశాం. హంస‌నందిని న‌టించిన స్పెష‌ల్ సాంగ్ `నా పేరే సింగ‌పూర్ సిరిమ‌ల్లి..` సాంగ్‌ను నిన్న‌నే రిలీజ్ చేశాం. ప్ర‌తి పాట‌ల‌కు ప్రేక్ష‌కుల నుండి ట్రెమెండ‌స్ రెస్పాన్స్‌ను రాబ‌ట్టుకుంది. మ్యూజిక్ చార్ట్స్‌లో ముందు వ‌రుస‌లో నిలుచుకుంది.

సరికొత్తగా సాయి మాధవ్ బుర్రా డైలాగ్స్

ఈ చిత్రం టీజర్‌లోని డైలాగ్స్ సరికొత్తగా వినిపించాయి. సాయిమాధ‌వ్‌గారి సంభాష‌ణ‌లు ట్రైలర్‌లోనే విపరీతంగా నవ్వు తెప్పించాయి. ఓ హాస్య చిత్రానికి సంభాషణలు సమకూర్చడం ఇదే తొలిసారి. ఇక ఈ చిత్రానికి రాజ‌శేఖ‌ర్ సినిమాటోగ్ర‌ఫీ అందించగా, ఎం.ఆర్‌.వ‌ర్మ ఆర్ట్ వ‌ర్క్ సినిమాకు ప్ల‌స్ కానున్నాయి. రాజ్‌త‌రుణ్ స‌ర‌స‌న అను ఇమ్మాన్యుయ‌ల్ హీరోయిన్‌గా న‌టిస్తున్నారు.

విలన్‌గా సల్మాన్ సోదరుడు అర్భాజ్

బాలీవుడ్ సూప‌ర్‌స్టార్ స‌ల్మాన్‌ఖాన్ సోద‌రుడు అర్బాజ్ ఖాన్ ఈ చిత్రంలో న‌టించారు అని నిర్మాత రామబ్రహ్మం సుంకర అన్నారు. ఈ చిత్రంలో ఆయన విలన్ పాత్రను పోషిస్తున్నారు. ఆయన హావభావాలు ఆకట్టుకొనే విధంగా ఉన్నాయి. నాగ‌బాబు, పృథ్వీ, ర‌ఘుబాబు, రాజా ర‌వీంద్ర‌, తాగుబోతు ర‌మేష్‌, ప్ర‌వీణ్‌, సుద‌ర్శ‌న్ త‌దిత‌రులు న‌టిస్తున్న ఈ చిత్రానికి క‌థ శ్రీకాంత్ విస్సా అందించారు. అనూప్ రూబెన్స్‌ సంగీతం అందించిన కిట్టు ఉన్నాడు జాగ్ర‌త్త‌కు వంశీకృష్ణ‌ ద‌ర్శ‌క‌త్వం వహించారు.